Жамият

Рус-қозоқ чегарасидаги Ўзбекистон фуқаролари поездда ватанга қайтарилмоқда

© Sputnik / Рамиз БахтияровВокзал "Ташкент-Южный после реконструкции
Вокзал Ташкент-Южный после реконструкции - Sputnik Ўзбекистон
Россиянинг Самара ва Оренгбург вилоятларидан учта поездда 2106 нафар Ўзбекистон фуқаролари ватанга қайтарилмоқда.

ТОШКЕНТ, 16 июл — Sputnik. Россиянинг Самара ва Оренбург вилоятларидан Ўзбекистон фуқаролари темир йўли орқали ватанга қайтарилмоқда. Бу ҳақда Транспорт вазирлиги хабар қилмоқда.

Airbus A320-200 авиакомпании SmartLynx Airlines - Sputnik Ўзбекистон
Жамият
Европа давлатларидан чартер рейс билан 220 нафар киши олиб келинди

Таъкидланишича, 16 июль куни Тошкент томон учта йўловчи поезд йўлга чиққан. Фуқароларни рус-қозоқ чегарасидан олиб кетиш томонлар келишувига биноан амалга оширилмоқда.

Иккита йўловчи поезд 1404 нафар йўловчи билан Кинель (Самара вилояти) бекатидан ва яна бири 702 нафар йўловчи билан Бузулук (Оренбург) бекатидан йўлга чиққан.

Ҳар бир поездга Ўзбекистон Миллий гвардияси, ИИВ ва ССВ ходимлари ҳамроҳлик қилмоқда.

Ушбу рейс йўловчилари дарҳол Наманган ва Тошкент вилоятидаги карантин марказларига жўнатилади.

Представители посольства Узбекистана проводят переговоры в связи со скоплением узбекистанцев на границе с РК - Sputnik Ўзбекистон
Миграция
"Бу одамлар соғлиғи устида бизнес": Бош консул РФ ва Қозоғистон чегарасидаги вазият ҳақида

Вазирлик Ўзбекистон ва МДҲ мамлакатларида жорий этилган мамлакатга киришга оид чеклов ўз кучида қолаётгани ва бекор қилинмаганини эслатиб ўтган.

Эслатиб ўтамиз, Россиядаги Ўзбекистон фуқаролари Қозоғистон ҳудуди орқали ватанга қайтишлари мумкинлиги ҳақидаги ёлғон хабарга ишониб, рус-қозоқ чегарасида тўпланиб қолган эди. Элчихона Россия ҳудудидаги ватандошлардан турли ёлғон хабарлар ва миш-мишларга ишонмаслик, Россия-Қозоғистон давлатлараро чегара пунктларига боришга уринмаслик, ҳозирги яшаш жойларида қолиб, карантин чораларига қатъий риоя қилишларини сўраган эди. Коронавирус инфекцияси пандемияси тарқалаётган бир пайтда фуқалорнинг бир жойда тўпланиши уларнинг вирус билан касалланиш эҳтимолини кескин оширади.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала