Жамият

Монополияга қарши курашиш қўмитаси бошқарма бошлиғи вафот этди

© Пресс-службаНачальник управления Антимонопольного комитета Санжар Абдукадиров
Начальник управления Антимонопольного комитета Санжар Абдукадиров  - Sputnik Ўзбекистон
Обуна бўлиш
Yandex newsTelegram
Монополияга қарши курашиш қўмитаси Қонун ҳужжатларини ва давлат органлари қарорларининг рақобат муҳитига таъсирини баҳолаш бошқармаси бошлиғи Санжар Абдукадиров вафот этди.

ТОШКЕНТ, 17 июл — Sputnik. Монополияга қарши курашиш қўмитаси бошқарма бошлиғи Санжар Абдукадиров вафот этди.

“Монополияга қарши курашиш қўмитаси ўзининг етук ва тажрибали мутахассисидан айрилди”, - дейилган хабарда.

Санжар Абдукадиров – 1980 йилда Наманган шаҳрида таваллуд топди. Наманган муҳандислик иқтисодиёти институти ва Ўзбекистон Республикаси Президенти ҳузуридаги Давлат ва жамият қурилиши Академиясини битирган. “ЎзЛиДеп” партияси аъзоси бўлган.

Узоқ йиллар давомида Қимматли қоғозлар бозори фаолиятини мувофиқлаштириш ва  назорат қилиш, Давлат мулки қўмитаси ва Хусусийлаштириш, монополиядан чиқариш ва рақобатни ривожлантириш давлат қўмитасида фоалият олиб борган.

Айни кунга қадар Ўзбекистон Республикаси Монополияга қарши курашиш қўмитаси Қонун ҳужжатларини ва давлат органлари қарорларининг рақобат муҳитига таъсирини баҳолаш бошқармаси бошлиғи лавозимида меҳнат қилаётган эди.

 

Янгиликлар лентаси
0