ТОШКЕНТ, 22 июл — Sputnik. COVID-19га қарши оммавий вакцинация келгуси йилнинг ўрталарида бошланиши мумкин, деб хабар қилмоқда Deutsche Welle Бутунжаҳон соғлиқни сақлаш ташкилоти раҳбари ўринбосари Сумия Сваминатанга таянган ҳолда.
"Айни вақтда 20та номзод-вакциналар клиник синовлардан ўтмоқда ва уларнинг айримлари иш беради, деган умид бор", - дея иқтибос келтиради нашр Свамитан сўзларидан.
Натижалар келгуси йилнинг бошига келиб олиниши мумкин. Вирусга қарши антитаначалар маълум муддатдан кейин йўқолишлари мумкинлиги орттирилган иммунитетнинг мутлақо йўқлигини далилламайди, деб ҳисоблайди Сваминатан.
Бу орада Россияда вакцинанинг клиник синовлари якунига етказилди ва илк намуна яратилди.
