ТОШКЕНТ, 28 авг - Sputnik. 2020 йил сентябр ойидан бошлаб Россияда бирданига бир нечта қонунлар кучга киради ва улар орасида чет элда ишлаётган ва республикада яшаётган юз минглаб Тожикистон фуқароларига бевосита таъсир кўрсатадиган жуда муҳим қонун бор, деб ёзмоқда Sputnik Тожикистон.
7 сентябрдан бошлаб Россияда турар жой кўчмас мулкига эга бўлган чет эл фуқаролари ўз уйларида бошқа чет эл фуқароларини рўйхатдан ўтказишлари мумкин бўлади. Яъни Россия қонунчилигида белгиланган "қабул қилувчи томон" бўлишлари мумкин.
РФ Давлат думасида ушбу қонун, авваламбор, қариндошлари чет элда яшайдиган ватандошлар ва россияликларнинг оилаларига қаратилганлигини алоҳида таъкидлашмоқда.
Sputnik Тожикистон ушбу янгилик мигрантлар ҳаётига қандай таъсир кўрсатиши мумкинлигини россиялик мутахассислардан билишга қарор қилди.
Демография, миграция ва минтақавий ривожланиш институти Кузатув кенгаши раиси Юрий Крупновнинг сўзларига кўра, гап унинг таъсири доирасида Россияда уй-жойларни сотиб олиш учун етарлича бадавлат одамлар тушиши мумкин бўлган қонуннинг сиёсий эмас балки молиявий таркибий қисми ҳақида кетмоқда.
"Ушбу қарорнинг кўринишидан ватандошлар бўйича масаласини нафақат умумий кўринишда талқин қилиш мумкин, чунки бу тушунчани жуда кенг талқин қилса бўлади. У умуман РФда кўчмас мулкка сармоя киритган ва шу тариқа бошқа чет элликларга нисбатан қабул қилувчи томон ҳуқуқини қўлга киритганларга тегишли", - дея таъкидлайди Крупнов.
Унинг фикрига кўра, миграция сиёсатининг пул қисмини илгари сурувчи сентябр ойи янгилиги истеъмол талабини яратадиган ва шу билан билвосита иқтисодий ўсишга ҳисса қўшадиган одамлар учун моддий рағбатдир.
"Биз биламизки, инвесторлар учун жиддий имтиёзлар мавжуд. Инвестицияларни олиб кирсангиз - сиз фуқароликни тезроқ оласиз ва қўшимча имтиёзларга эга бўласиз. Ва бу ерда ҳам иқтисодий қонун амал қилади. Яъни сиз кўчмас мулк сотиб олдингиз, қайсидир маънода РФга сармоя киритдингиз ва бунинг эвазига сиз қўшимча ҳуқуқларга эга бўласиз", - таъкидлайди мутахассис.
Бироқ, ушбу қонун нафақат иқтисодий ўсишни ва хусусан, қурилиш соҳасини мигрантлар маблағлари ҳисобига рағбатлантиришга, балки ўнлаб йиллар давомида бутун оилаларнинг ҳаётини мураккаблаштирган архаик ва очиқдан-очиқ зарарли ҳуқуқий номувофиқликни бартараф этишга қаратилган, дейди Россия Федерал Миграцион Хизмати раҳбари собиқ ўринбосари Вячеслав Поставнин.
"Қандай бўлмасин, бу яхши ташаббус, айниқса, ватандошлар учун. Бу мутлақо аҳмоқона ва бемаъни меъйёр эди. Инсон келиб, бу ерда уй сотиб олади-да, ўз қариндошларини рўйхатдан ўтказа олмайди, чунки улар чет элликлар", - деб тушунтирди у Sputnik Тожикистонга.
Мисол тариқасида, Поставнин ҳалқаро, аниқроғи, инглиз тажрибасини келтиради, унда Буюк Британия Европа Иттифоқига аъзо бўлганидан сўнг, Шарқий Европанинг унча ривожланмаган мамлакатларидан минглаб одамлар даромад ва яхши ҳаёт излаб Англияга кўчиб ўтган.
Унда Польша диаспораси аъзолари нисбатан арзон кўчмас мулкларни сотиб олганлар, кўпинча шаҳар атрофидаги эконом-классдаги уйларни, ва у ерда Польшалик қариндошларини рўйҳатдан ўтказган. Гарчи битта уйда кўп одам яшаган бўлса-да, улар мунтазам равишда қонунчиликка риоя қилишган ва ҳақиқатан ҳам рўйҳатдан ўтиш жойларида яшашган.
"Бунда ҳеч қандай муаммо кўрмаяпман. Мисол учун, бизда "резина квартиралар" янада кўпаяди, юз киши тиқилиб олади дейиши одат бўлиб қолган. Аммо бундай ҳол энди бўлмайди, чунки кўчмас мулкни ижарага эмас, балки ўзи яшаши учун сотиб олаётган одам, битта уйда кўпчилик билан яшаб уларнинг коммунал тўловлари учун тўлашни ҳохламайди. Бу шунчаки фойдасиз", - деди Поставнин.
Энди битта савол қолмоқда - қанча чет элликлар ушбу ташаббусдан фойдалана олади? Бунга ҳеч ким тахминан ҳам жавоб бера олмайди, чунки Россияда кўчмас мулк сотиб олган чет эл фуқаролари сонининг қандайдир ишончли статистикасига на расмий идоралар, на қурувчилар ва на риэлторлар эга эмас.
Аммо аниғи шуки, МДҲнинг Марказий Осиё мамлакатлари орасида Тожикистон ватандош мақомини олишга мурожаат қилганлар сони бўйича етакчи ўринни эгаллайди. Умуман олганда, Россия статистикаси маълумотларига кўра, 2019 йил охирига келиб РФда 1,2 миллион тожикистонлик фуқаролар яшаб келган.
Ва янги қонун, шубҳасиз, уларнинг Россияга келишига ва бутун оила бўлиб кўчмас мулк сотиб олишига ҳисса қўшади, чунки уй-жой қурувчиларининг рекламасида айтилганидек - уй-жойни сотиб олиш энди ҳақиқатан ҳам осонлашди. Ва энг муҳими – зарурроқ бўлди.
