Синоптиклар Ўзбекистонда куз қандай бошланишини айтишди

© Sputnik / Алексей Савостин / Медиабанкка ўтишОтдыхающие в усадебном парке "Суханово" в Московской области.
Отдыхающие в усадебном парке Суханово в Московской области. - Sputnik Ўзбекистон
Oбуна бўлиш
Ўзгидромет хизмати хабарига кўра, умуман олганда бу йил мамлакатда ёз унчалик иссиқ кечмаган - ўртача ҳарорат меъёрий қийматларга яқин бўлган

ТОШКЕНТ, 29 авг - Sputnik. Ўзгидромет хизмати Ўзбекистонда куз қандай бошланиши ҳақида маълум қилди.

Снежинка. Крупный план - Sputnik Ўзбекистон
Синоптиклар: Москвада ёзда қор ёғиши - бу одатий ҳол

Баъзида кузатилган жазирама кунларга қарамай, июль ойи ўтган 2019 ва 2018 йил июлларига қараганда бироз салқин келган. Ўтган бу йиллар метеорологик кузатувлар даврида энг иссиқ йил бўлгани қайд этилган ва Ўзбекистон ҳудудида энг иссиқ йиллар бешталигига кирган.

Одатда ёз даврида республика ҳудудининг катта қисмида ёғингарчилик камдан-кам кузатилади. Бу йил ҳам деярли шундай бўлди. Тошкент вилояти ва Фарғона водийси вилоятларининг тоғли ва тоғолди ҳудудларида маҳаллий қисқа муддатли, момақалдироқли ёмғирлар кўпроқ ёғди.

Август ойининг охирига келиб эса Ўзбекистонда ёз фасли учун умуман хос бўлмаган жараёнлар кузатилди.

“Ўлим водийси”да (Калифорния, АҚШ) термометр устунлари +54,4 даражага кўтарилди - Sputnik Ўзбекистон
Тухум қовуриляпти: “Ўлим водийси”да жазирама рекорди янгиланди

26 августда республика бўйича ҳарорат кескин пасайиб, момақалдироқли ёмғирлар ёғиб ўтди. Об-ҳавонинг бундай ўзгариши айниқса Ўзбекистоннинг марказий туманларида авж олди. Тошкент, Самарқанд, Жиззах, Сирдарё вилоятларида ёғингарчилик кучли ва давомли бўлди. Тошкентда шу куни 1 мм ойлик нормада ёққан ёғинлар миқдори 17 мм ни ташкил қилди.

Бу жуда камдан-кам кузатиладиган ҳодиса бўлса ҳам, бироқ метеорологик кузатувлар тарихида ягона эмас. 1954 йилда Тошкентда июлда 41 мм, 1969 йил июлида эса 39 мм ёмғир ёққан.

Сентябрь - кузнинг биринчи ойи. Ўзбекистонда сентябрда, айниқса унинг биринчи ярмида одатда об-ҳаво иссиқ ва кам булутли бўлади. Қисқа муддатли ёмғирлар фақат айрим кунларда кўпроқ тоғли ва тоғолди ҳудудларда кузатилиши мумкин. Тунги ҳарорат 15-20 даража атрофида бўлади, кундузи 32-37 даражадан 25-30 даража иссиққача ўзгариб туради.

Горожане в жаркий день на улицах Ташкента - Sputnik Ўзбекистон
Жазирама Ўзбекистонни коронавируснинг иккинчи тўлқинидан қутқарадими - эксперт

Бугун ва эртага Ўзбекистонда ёғингарчилик кутилмайди.

31 августда Волгабўйи ҳудудидан нисбатан нам ва салқин ҳаво оқими кириши натижасида об-ҳаво ўзгаради. Республика бўйича булутлиликнинг ортиши, об-ҳавонинг ёғингарчиликсиз бўлиши кутилмоқда, фақат Тошкент вилоятининг айрим жойларида қисқа муддатли ёмғир ёғиши, момақалдироқ бўлиши мумкин. Кундузги ҳарорат 1-2 даражага пасаяди ва 28-33 даража атрофида бўлади, бу меъёрдан сал паст ҳароратдир.

Сентябрнинг илк кунлари об-ҳаво асосан ёғингарчиликсиз бўлади. Ҳарорат кечаси 15-20, кундузи 30-35 даража атрофида бўлади.

Республиканинг тоғли ва тоғолди туманларида 30-31 август ва 1-2 сентябрь кунлари қисқа муддатли ёмғир ёғиши, момақалдироқ бўлиши мумкин.

Янгиликлар лентаси
0