ТОШКЕНТ, 9 сен — Sputnik. Футбол бўйича Ўзбекистон миллий терма жамоаси ярим ҳимоячиси Одил Аҳмедов Хитойнинг “Шанхай СИПГ” клубидаги фаолиятини якунлаб, бошқа жамоада давом эттиради.
Футболчи айни пайтда Хитойнинг бошқа бир жамоаси – “Тьянцзинь Тэда” билан келишувга эришган. Бу борасида маълумот Goal.com нашрида пайдо бўлган.
Одил Аҳмедов жорий мавсумда клуби сафида 8 ўйинда майдонга тушиб, битта гол ва битта голли узатмага муаллифлик қилишга муваффақ бўлган.
