ТОШКЕНТ, 12 сен - Sputnik. Эронда мамлакатнинг грек-рим кураши бўйича чемпиони - Навид Афкари қатл қилинди, деб хабар бермоқда РИА Новости Associated Pressга таянган ҳолда.
Афкари 2018 йилда ҳукуматга қарши кўча намойишларида иштироки учун ўлим жазосига ҳукм қилинган. Спортчини шунингдек, мамлакатнинг амалдаги режимини тўнтариш учун махсус гуруҳни яратишда айблашган.
Илгарироқ, спортчи учун UFC раҳбари Дэйн Уайт ва ҳатто АҚШ президенти Дональд Трамп ўртага тушган, аммо Эрон ҳукумати уларнинг сўзларини инобатга олмади ва ҳукмни амалга оширди.
