Жамият

Ўзбекистонда коронавирус: 17 сентябрь асосий хабарлари

© AFP / CHANDAN KHANNAПробирка
Пробирка - Sputnik Ўзбекистон
Сутка давомида 465 кишида коронавирус аниқланди, Ўзбекистонда коронавирус инфекцияси қайд этилганлар сони 49 627 нафарни ташкил қилмоқда.

ТОШКЕНТ, 17 сен — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Врач с маленьким пациентом в инфекционном отделении. Архивное фото - Sputnik Ўзбекистон
Жамият
Кавасаки синдроми коронавирус билан боғлиқми? – эксперт жавоби

Бир сутка давомида 465 кишида коронавирус аниқланди, Ўзбекистонда коронавирус инфекцияси қайд этилганлар сони 49 627 нафарни ташкил қилмоқда.

Янги касалланиш ҳолатларининг 188 нафари Тошкент шаҳрида, 41 нафари Наманган вилоятида, 7 нафари Фарғона вилоятида ҳамда 6 нафари Тошкент вилоятида тана ҳарорати кўтарилганлиги ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Бугуннинг ўзида 496 нафар бемор тузалиб, ўз уйларига кузатилди. Республика бўйлаб жами соғайганлар сони 45 970 нафарга етди. Соғайиш кўрсаткичи 93 фоизга етди.

Айни пайтда 3 244 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Кун давомида коронавирусга чалинган 4 нафар бемор – Юнусобод туманида яшаган 64 ёшли К.Э. (эркак) ҳамда Мирзо Улуғбек туманида яшаган 56 ёшли Г.Ш. (аёл), Тошкент вилоятида яшаган 59 ёшли Э.Н. (эркак) ҳамда пойтахтлик 69 ёшли Б.Т. (эркак) вафот этди.

Вакцинация добровольцев против COVID-19 в Москве - Sputnik Ўзбекистон
Дунёда
Беларусь коронавирусга қарши Россия вакцинаси синовларини бошламоқда

Ўзбекистонда жами 413 киши пандемия қурбони бўлди.

Парвозлар ҳақида

Пандемия вақтида Ўзбекистонга ҳаво транспорти орқали йўловчилар кириб келиш тартиби белгиланди.

"Қизил" ва "Сариқ" ҳудудлардан Ўзбекистонга келаётган йўловчилар COVID-19 аниқланмагани ҳақида маълумотнома тақдим этиши керак. Йўловчи ПЗР анализи парвозда 72 соатдан узоқ бўлмаган муддат ичида топширилган бўлиши керак. Фақат вирус аниқланмаган йўловчилар парвозга қўйилади.

"Қизил" ҳудудлардан келган йўловчилар аэропорт паспорт назорати хизматига COVID-19 таҳлил натижаси ва 14 кунлик уй карантинига жойлашиш мажбуриятномани тақдим этишлари шарт.

"Сариқ" ҳудудлардан келган йўловчилар паспорт назорати хизматига COVID-19 аниқланмагани ҳақидаги ПЗР тест натижаси акс этган ҳужжатни топширишлари талаб этилади.

Курицы - Sputnik Ўзбекистон
Дунёда
Парранда гриппи туфайли Қозоғистонда 10 та қишлоқ карантинга ёпилди

"Яшил" ҳудуд мамлакатларидан Ўзбекистон Республикасига кириб келган йўловчиларга нисбатан карантин тартиблари қўлланилмайди (касаллик аломатлари кузатилган йўловчилар бундан мустасно).

Ёпилган мактаблар

Сурхондарё вилояти Денов туманидаги янги ўқув йилида ўқувчилар учун эшигини очган 9 та мактаб яна фаолиятини тўхтатди. Мактаблар ёпилишига туманда коронавирус пандемияси билан гумон қилинаётган фуқаролар сони ошгани сабаб бўлган.

ЕИИБ кредити

Европа тикланиш ва тараққиёт банки “Ипак Йўли” банкига 20 миллион доллар ажратилишини маъқуллади.

15 миллиони кичик ва ўрта бизнесни ривожлантириш учун кредит линияси шаклида, яна 5 миллион доллари савдони молиялаштириш учун ажратилган.

Дунё саломатлиги

Дунё бўйлаб инфекцияни юқтириб олган кишиларнинг сони 29,9 миллиондан ошди, 941 минг киши вафот этди, 20,3 миллион киши тузалди. Энг кўп ҳолатлар АҚШда (6,6 млн), Ҳиндистонда (5,0 млн), Бразилияда (4,4 млн).

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала