Дунёда

Сиртқи кредит? Тихановская Европа иттифоқидан ёрдам пакети хусусида келишувга эришди

© Sputnik / Фотобанкка ўтишКандидат в президенты Беларуси Светлана Тихановская во время предвыборного митинга в парке Дружбы Народов в Минске
Кандидат в президенты Беларуси Светлана Тихановская во время предвыборного митинга в парке Дружбы Народов в Минске - Sputnik Ўзбекистон
Тихановская душанба куни Брюсселда бўлиб, ЕИ мамлакатлари ташқи ишлар вазирлари, шу жумладан Европарламент аъзолари билан учрашувлар ўтказган эди.

ТОШКЕНТ, 22 сен – Sputnik. Беларус президенти лавозимига собиқ номзод Светлана Тихановская Брюсселда республикада юз берадиган "демократик ўзгаришлардан сўнг" Евроиттифоқ томонидан ёрдам пакети хусусида келишувга эришди, деб хабар қилди сешанба куни Тихановская матбуот-хизмати.

Аналитика
Носоғлом фаоллик: Америка Беларус чегараси яқинида нимадир қилмоқда

Тихановская душанба куни Брюсселда бўлиб, ЕИ мамлакатлари ташқи ишлар вазирлари, шу жумладан Европарламент аъзолари билан учрашувлар ўтказган эди.

"Светлана Тихановская Брюсселга ташрифини якунлади, у ерда Евроиттифоқ ТИВ раҳбарлари, шунингдек, ЕИ дипломатияси раҳбари Жозеп Боррел, Европарламент президенти Давид Сассоли билан учрашди, евродепутатлар олдида чиқиш қилди... Шунингдек, Светлана Тихановская Беларусга демократик ўзгаришлардан кейин ёрдам пакети кўрсатилиши хусусида келишувга эришди", - дейилади Тихановская матбуот-хизмати Telegram-каналида.

Ўтган ҳафтада Беларус мувофиқлаштириш кенгаши президиуми аъзоси Павел Латушко муҳолифат Евроиттифоқдан республикада ҳукумат ўзгариши ва у демократизация йўлига турганида 4 миллиард доллар олишга умид қилаётгани ҳақида маълум қилган эди.

Сотрудники правоохранительных органов во время акции протеста в Минске - Sputnik Ўзбекистон
Сиёсат
АҚШ ва Европа мамлакатлари Беларус бўйича қўшма баёнот матнини эълон қилишди

Сал аввал республикада бўлиб ўтган президент сайловлари якунларидан норози бўлган Беларус муҳолифат вакиллари ҳукумат транзити бўйича мувофиқлаштириш кенгашини тузган эдилар. Улар Тихановскаяни сайланган етакчи сифатида тан олишмоқда ва мамлакатда янги сайловлар ўтказилишини талаб қилишмоқда. Беларус Бош прокуратураси МК ташкил этилиши муносабати билан ҳукуматни босиб олишга даъват моддаси бўйича жиноий иш қўзғади. Айни вақтга келиб МК президиумининг етти аъзосидан беш нафари ҳибсга олинган ёки чет элда бўлиб турибди. Муфовиқлаштириш кенгаши ташаббускори бўлган Тихановская, сайловлардан сўнг хавфсизлик мақсадида Литвага чиқиб кетган.

Президент РФ В. Путин - Sputnik Ўзбекистон
Дунёда
Беларус, коронавирус ва иқтисод. Путин катта интервьюси

Беларусда оммавий норозилик акциялари 9 августдан кейин, бўлиб ўтган президент сайловларида амалдаги етакчи Александр Лукашенко ғолиб чиққанидан сўнг бошланган эди. МСК маълумотларига кўра Лукашенко 80,1 % овоз олган. Биринчи кунларда акциялар куч тузилмалари томонидан бостирилди, норозичиларга нисбатан кўз ёш келтирувчи газ, шовқин гранаталари, водометлар, резинали ўқлар қўлланилди. Расмий маълумотларга кўра, биринчи кунларда 6,7 минг киши қўлга олинган. Республика ИИВ маълумотларига кўра, тартибсизликлар давомида юзлаб инсонлар жабрланган, шу жумладан, 130 нафар ҳуқуқ-тартибот ходимлари ҳам. Сайловлар якунлангач бир ой давмида акциялар ҳам иш ҳам дам олиш кунлари ўтказилди. Лукашенконинг тарафдорлари ҳам уни қўллаб-қувватлаб тадбирлар ўтказиб келмоқдалар.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала