Ўзбекистонда хотин-қизлар учун ишонч телефони ишга туширилмоқда

© Sputnik / Антон Белицкий / Медиабанкка ўтишВ Центре управления в кризисных ситуациях
В Центре управления в кризисных ситуациях - Sputnik Ўзбекистон
Oбуна бўлиш
Ишонч телефони орқали зўравонлик қурбонига айланган хотин-қизларга ҳаётидаги мавжуд оғир вазиятлардан чиқишларига ёрдам берилиб, уларга зарур руҳий, ҳуқуқий ҳамда тиббий кўмак берилади

ТОШКЕНТ, 3 окт - Sputnik. Ўзбекистон хотин-қизларининг оилавий турмуш муаммоларини бартараф этишга кўмаклашиш, ҳаётий ҳақ-ҳуқуқларини муносиб ҳимоя қилиш, уларнинг маиший зўравонлик қурбонига айланиб қолишларини олдини олиш, ҳаётини қайта йўлга қўйишда моддий ва маънавий, тиббий-психологик ёрдам бериш мақсадида Маҳалла ва оилани қўллаб-қувватлаш вазирлигининг "1146" қисқа рақамли Ишонч телефони ўз фаолиятини бошламоқда.

Пострадавшая от домашнего насилия женщина из Узбекистана - Sputnik Ўзбекистон
Руҳий ва жисмоний зўравонликларга учраб, реабилитация марказига келтирилган аёллар қисмати

Бу ҳақда Маҳалла ва оилани қўллаб-қувватлаш вазирлиги ахборот хизмати хабар берди.

Маълумки, мазкур қисқа рақамли Ишонч телефони иш-фаолияти муқаддам Хотин-қизлар қўмитаси томонидан олиб борилган.

Маҳалла ва оилани қўллаб-қувватлаш вазирлиги Зўравонликдан жабр кўрган шахсларни реабилитация қилиш ва мослаштириш ҳамда ўз жонига қасд қилишни олдини олиш Республика маркази қошида мазкур Ишонч телефони фаолиятини жорий йилнинг 10 октябрь санасидан йўлга қўйиш ва уни молиялаштириш бўйича БМТнинг Aҳолишунослик жамғармаси (ЮНФПA) билан ўзаро келишувга эришди.

Девушка подвергается насилию. Иллюстративное фото - Sputnik Ўзбекистон
Тошкентда йил бошидан зўравонликдан жабр кўрган 709 нафар аёлга ҳимоя ордери берилди

Ҳозирда зарур ташкилий ишлар олиб борилмоқда.

Ишонч телефони орқали зўравонлик қурбонига айланган хотин-қизларга ҳаётидаги мавжуд оғир вазиятлардан чиқишларига ёрдам берилиб, уларга зарур руҳий, ҳуқуқий ҳамда тиббий кўмак берилади.

- мурожаатчи хотин-қизларнинг хоҳишига кўра, унинг шахси ва мурожаат мазмуни сир сақланади.

- ўз атрофидаги хотин-қизларнинг ҳақ-ҳуқуқлари топталаётганлигига гувоҳ бўлаётган ёки бошқа салбий ҳолатларга дуч келган юртдошларимиз ҳам "1146" Ишонч телефонига қўнғироқ қилиб, бу ҳақида хабар беришлари мумкин.

Шу ўринда Маҳалла вазирлиги барча фуқаролардан ноҳақ таҳқирланаётган; тазйиққа, зўравонликка дуч келаётган; шаъни, қадр-қиммати топталаётган; ҳуқуқлари поймол этилаётган хотин-қизлар ҳаётига бефарқ бўлмасликлари, уларни муносиб ҳимоя қилиб, турли зўравонликлар қурбонига айланмасликлари учун биргаликда курашишга чақирган.

Янгиликлар лентаси
0