Борий Алихонов ва Наримон Умаров сенатор этиб тайинланди

© Sputnik / Рамиз БахтияровЗаседанисе сената Олий Мажлис
Заседанисе сената Олий Мажлис - Sputnik Ўзбекистон
Oбуна бўлиш
Ўзбекистон президенти фармони билан “Адолат” ва Экология партиялари раҳбарлари сенатор этиб тайинланди.

ТОШКЕНТ, 21 окт — Sputnik. Ўзбекистон президентининг 20 октябрдаги фармони билан Борий Алихонов ҳамда Наримон Умаров Олий Мажлиси Сенати аъзолари этиб тайинланди. Бу ҳақда Марказий сайлов комиссияси матбуот хизмати хабар қилди.

Маълум қилинишича, 20 октябрь куни Марказий сайлов комиссиясининг навбатдаги мажлисида Олий Мажлисининг Қонунчилик палатаси депутатлари Борий Алихонов ва Наримон Умаровнинг берган ёзма аризасига асосан уларнинг депутатлик ваколати муддатидан илгари тугатилган.

Шунингдек, Ўзбекистон президентининг 2020 йил 20 октябрдаги фармонига асосан ҳамда Сайлов кодексининг 14, 16 ва 75-моддаларига мувофиқ Марказий сайлов комиссияси Борий Алихонов ва Наримон Умаровни Олий Мажлиси Сенати аъзолари этиб рўйхатга олган.

Сенат матбуот хизмати хабарига кўра, Наримон Умаров Сенатнинг Суд-ҳуқуқ масалалари ва коррупцияга қарши курашиш қўмитаси раиси этиб сайланган.

© Sputnik / Дильшода РахматоваНаримон Умаров
Борий Алихонов ва Наримон Умаров сенатор этиб тайинланди - Sputnik Ўзбекистон
Наримон Умаров

Борий Алихонов эса Сенатнинг янги ташкил этилган Оролбўйи минтақасини ривожлантириш масалалари қўмитаси раиси этиб сайланган.

© Sputnik / Дильшода РахматоваБорий Алиханов, председатель Экологической партии РУз
Борий Алихонов ва Наримон Умаров сенатор этиб тайинланди - Sputnik Ўзбекистон
Борий Алиханов, председатель Экологической партии РУз
Янгиликлар лентаси
0