“Škoda Kodiaq” автомобилининг Ўзбекистондаги нархи маълум бўлди

© Sputnik / Николай Хижняк / Медиабанкка ўтишЛоготип Škoda
Логотип Škoda - Sputnik Ўзбекистон
Oбуна бўлиш
Ўзбекистонда “Škoda Kodiaq” иккита комплектацияда тақдим этилади. Нархи комплектациясига қараб 347 млн сўмдан 399 млн сўмгача ташкил қилади.

ТОШКЕНТ, 21 окт — Sputnik. Жорий йил 20 октябрь куни Škoda Kodiaq автомобилининг Ўзбекистон бозорига чиқишига бағишланган тақдимоти бўлиб ўтди.

“Kodiaq” минтақанинг иқлим ва эксплуатация шароитлари ҳисобга олинган ҳолда ишлаб чиқарилади ва унга 180 от кучи ҳамда 320 Нм айланувчи моментга эга турбодвигатель (2.0 Turbo) ўрнатилади. Автомобиль DSG 7 етти поғонали узатмалар қутиси ёрдамида бошқарилади. Шунингдек, у ёмон йўллар учун “ақлли” тўлиқ узатма ҳамда панорама томга эга.

Ўзбекистонда “Škoda Kodiaq” иккита комплектацияда тақдим этилади:

  • беш ўриндиқли Ambition - 347 миллион сўм;
  • етти ўриндиқли Style - 399 миллион сўм.

Таъкидланишича,  яқин ҳафталар ичида Тошкент ва Қўқонда яна иккита дилерлик марказини очиш режалаштирилмоқда.

Янгиликлар лентаси
0