Жапаров Қирғизистон президенти сайловларида номзодини илгари суради

© Sputnik / Алексей Майшев / Медиабанкка ўтишПремьер-министр Киргизии Садыр Жапаров
Премьер-министр Киргизии Садыр Жапаров  - Sputnik Ўзбекистон
Oбуна бўлиш
Қирғизистон президенти вазифасини бажарувчи Садир Жапаров сайловларда иштирок этиш учун декабрь ойида президент ваколатларини зиммасидан соқит қилмоқчи.

ТОШКЕНТ, 26 окт — Sputnik. Қирғизистон президенти вазифасини бажарувчи, бош вазир Садир Жапаров давлат раҳбари лавозимига ўз номзодини илгари суришини маълум қилди.

Премьер-министр Киргизии Садыр Жапаров - Sputnik Ўзбекистон
Қирғизистон президенти в.б. Жапаров илк хорижий ташриф билан Россияга бормоқчи

Жапаровнинг сўзларига кўра, бунинг учун у декабрда истеъфога чиқишни режалаштирмоқда.

“Мен бошқалар қатори сайловларда иштирок этаман. Агар ғалаба қозонсам президент бўламан, бўлмаса барча каби оддий фуқаро бўламан”, - деди Жапаров. Унинг сўзларидан Sputnik Қирғизистон иқтибос келтирган.

Қирғизистонда муддатидан аввалги президент сайловлари 2021 йил 10 январь куни бўлиб ўтади. Мамлакат Конституциясига биноан президент в.б. ўз номзодини илгари суриш ҳуқуқига эга эмас.

Аввалроқ Жапаров агар қонунчиликка тегишли ўзгартириш киритилса, президент сайловларида иштирок этишга тайёрлигини маълум қилган эди.

Янгиликлар лентаси
0