Навоийда икки ўсмир ис газидан заҳарланиб вафот этди

© Sputnik / Илья Питалев / Медиабанкка ўтишМедицинские работники везут на каталке пациентку, доставленную бригадой скорой медицинской помощи, в здание карантинного центра в Коммунарке
Медицинские работники везут на каталке пациентку, доставленную бригадой скорой медицинской помощи, в здание карантинного центра в Коммунарке - Sputnik Ўзбекистон
Oбуна бўлиш
Ўзбекистонда ҳаво ҳарорати пасайиши билан аҳоли орасида ис газидан заҳарланиш билан боғлиқ бахтсиз ҳодисалар қайд этилади. Бу каби ҳодисаларнинг келиб чиқишига асосан иситиш печлари ва буғ қозонлари дудбўронларининг носозлиги сабаб бўлмоқда.

ТОШКЕНТ, 31 окт - Sputnik. Навоий вилояти Навбаҳор туманида икки нафар вояга етмаган ака-ука ис газидан заҳарланиб вафот этди, деб хабар қилади Бош прокуратура матбуот-хизмати.

Автомобиль скорой помощи - Sputnik Ўзбекистон
Жиззахда 7 нафар ёлланма ишчи ис гази сабаб вафот этди

Ака-укалар коллеж талабаси бўлишган. Бахтсиз ҳодисага уйнинг ётоқхонасига ўрнатилган газ печидан сизиб чиққан ис гази сабаб бўлган. Мазкур ҳолат юзасидан туман прокуратураси томонидан терговга қадар текширув ҳаракатлари ўтказилмоқда.

Ўзбекистонда ҳаво ҳарорати пасайиши билан аҳоли орасида ис газидан заҳарланиш билан боғлиқ бахтсиз ҳодисалар қайд этилади. Бу каби ҳодисаларнинг келиб чиқишига асосан иситиш печлари ва буғ қозонлари дудбўронларининг носозлиги сабаб бўлмоқда.

Газовая плита - Sputnik Ўзбекистон
Тошкент вилоятида бир оиланинг 16 нафар аъзоси ис газидан заҳарланди

Хусусан, жорий йилнинг 22 октябр куни Хоразм вилоятининг Янгиариқ тумани Остона қишлоғида иситиш қозони дудбўрони ичига ёз пайтида қушлар ин қуриши унинг носозлигига олиб келган. Натижада табиий газни чала ёниши кузатилиб, 4 нафар фуқаролар (хонадон соҳиби, унинг турмуш ўртоғи ва 2 нафар фарзанди) нинг ҳаётдан бевақт кўз юмишига сабаб бўлган.

28 октябр куни ҳам Фарғона вилояти Қўқон шаҳрида жойлашган кўп қаватли уйдаги хонадонларидан бирига ўрнатилган буғ қозонининг дудбўрони қозондан ажралиб қолганлиги сабабли, хонадон ичида ис гази тўпланишига олиб келган. Натижада хонадон соҳиби ва 2 нафар оила аъзолари ис газидан заҳарланиб вафот этишган.

Ўзбекистон ФВВ фуқаролардан куз-қиш мавсумида иситиш печлари ва қозонларидан фойдаланишдан аввал дудбўронларнинг созлигига алоҳида эътибор беришни сўрайди.

Янгиликлар лентаси
0