Қашқадарёда фуқаро арзимаган қарз сабаб қариндошини пичоқлади

CC0 / Pixabay / Нож в руке
Нож в руке - Sputnik Ўзбекистон
Oбуна бўлиш
Шаҳрисабз туманида 170 000 сўм сабаб юзага келган жанжал бир кишининг ўлими билан якунланди. 21 ёшли йигит қариндошини пичоқлаб қўйди.

ТОШКЕНТ, 1 ноя — Sputnik. Қашқадарё вилоятида қарз сабаб юзага келган жанжал бир кишининг ўлими билан якунланди. Бу ҳақда ИИВ ҳузуридаги Тергов департаменти матбуот хизмати хабар қилмоқда.

Машина ДПС - Sputnik Ўзбекистон
Жиззахда қарзини қайтармаслик учун тарбиячини ўлдирган шахс аниқланди

Ҳодиса 27 октябрь куни соат 22:00 да рўй берган. 21 ёшли З.И. Шаҳрисабз тумани “Ўртақўрғон” қишлоғида яшовчи қариндоши 24 ёшли Ж.Э.нинг уйига бориб, 170 минг сўм қарзини сўраган. У билан ўзаро жанжаллашиб қолиб, Ж.Э.га ошхона пичоғи билан турли кўринишдаги тан жароҳатлари етказган.

Фуқаро Ж.Э. Шаҳрисабз шаҳар тиббиёт бирлашмасига олиб борилган. Аммо олган тан жароҳатлари оқибатида ташқи қон кетиши, ўткир юрак қон томир ва нафас етишмовчилигидан шифохонада вафот этган.

Мазкур ҳолат юзасидан З.И. га нисбатан Ўзбекистон ЖКнинг 104-моддаси 3-қисми “д” банди (қасддан баданга оғир шикаст етказиш) билан жиноят иши қўзғатилган ва у ушланган.

Ҳозирда тергов ҳаракатлари олиб борилмоқда.

Янгиликлар лентаси
0