ТОШКЕНТ, 8 ноя — Sputnik. Ўтган суткада Россияда 20 498 та коронавирус билан касалланиш қайд этилди. Уч кундан буён мамлакатда аниқланган кассалланиш 20 мингдан ошмоқда.
Энг кўп касалланиш Москва (5751), Санкт-Петербург (1331) ва Москва вилоятида (644) кузатилган.
Россияда 6 ноябрь куни коронавирус билан боғлиқ 20 582 та, 7 ноябрь куни эса 20 396 та ҳолат қайд этилган эди.
Пандемия бошланган буён Россияда 1 774 334 киши коронавирус юқтириб олган. Шулардан 1 334 419 нафари тузалиб кетган. 30 537 киши вирус қурбонига айланган.
