Минскда пианинони кўтариб югуриш бўйича мусобақа ўтказилди

Oбуна бўлиш
Спорт тадбири 8 ноябрда нишонланадиган Халқаро пианиночилар кунига бағишланди. Бир неча забардаст йигитлар оғирлиги 250 кг бўлган пианинони кўтариб югуришди.

Тадбир ташкилотчиси ва мусиқа асбоблари дўкони эгаси Иван Манко Sputnik’га пойга ҳақида сўзлаб берди.

"Бу дунёдаги биринчи пианино пойгаси – интернетни кўрдик, илгари шунга ўхшаш нарса бўлмаган. Биз иккита ҳаваскор жамоани туздик: спортчилар ва мусиқачилар. Ҳамма завқ билан югурди, аммо айримларнинг мушаклари озгина жароҳатланди. Ҳаммаси - 50 кишига яқин", - деди Иван.

Пианинонинг вазни тахминан 250 кило, спортчилар 10 кишилик жамоаларга бўлинган ҳолда пианино билан 440 метрга югуришди. Масофани 3 дақиқа 52 сонияда босиб ўтган жамоа ғалаба қозонди - бу энг яхши натижа.

Янгиликлар лентаси
0