Иқтисод

Қашқадарёда 2021 йил - Тадбиркорликни ривожлантириш йили деб эълон қилинди

© Пресс-служба президентаВ Карши открылась Клиника оздоровления и приватизации предприятий
В Карши открылась Клиника оздоровления и приватизации предприятий - Sputnik Ўзбекистон
Қашқадарёда келаётган 2 йил давомида 1 миллиард доллардан ортиқ сармояларни ўзлаштириб, 19 мингга яқин иш ўринлари яратиш режалаштирилган.

ТОШКЕНТ, 27 ноя - Sputnik. Қашқадарёда 2021 йил - Тадбиркорликни ривожлантириш йили деб эълон қилинди. Бу ҳақида Шавкат Мирзиёев раислигида Қашқадарё вилоятини ижтимоий-иқтисодий ривожлантириш масалалари бўйича бўлиб ўтган йиғилишида маълум бўлди.

Шавкат Мирзиёев - Sputnik Ўзбекистон
Сиёсат
Мирзиёев Қашқадарё вилоятининг иқтисодий ҳолатини қаттиқ танқид қилди

Қашқадарёда келгуси 1-2 йил давомида катта миқдордаги хорижий ва маҳаллий сармоялар эвазига иқтисоднинг қатор соҳаларда мингдан ортиқ лойиҳалар амалга ошириш режалаштирилган.

Хусусан, келгуси йилда тижорат банкларининг 650 миллиард сўмлик кредитлари асосида хизмат кўрсатиш соҳасида 500 та янги лойиҳа амалга оширилиши режалаштирилган.

Шунингдек, келаётган 2 йил давомида 1 миллиард долларга яқин хорижий инвестициялар эвазига  1153 та инвестиция лойиҳалари амалга ошириб, 19 мингта янги иш ўрни яратиш кўзда тутилганни айтиб ўтилди.

Ундан ташқари, Шаҳрисабз шаҳри, Нишон, Деҳқонобод, Яккабоғ, Миришкор, Ғузор, Шаҳрисабз, Муборак туманларида ташкил этиладиган 11 та кичик саноат зонасида лойиҳаларни жойлаштириш ва инфратузилмага улаш кераклиги қайд этилди.

Шавкат Мирзиёев посетил Центр государственных услуг и Технопарк в Карши - Sputnik Ўзбекистон
Сиёсат
Шавкат Мирзиёев Қаршида Давлат хизматлари маркази ва Технопаркка ташриф буюрди

Шу билан бирга, қишлоқ хўжалигида фойдаланишдан чиқиб кетган 81 минг гектар ерни ўзлаштириш, 63 минг гектарда сув тежовчи технологияларни жорий қилиш белгиланган эди.

Қарши, Қамаши ва Косон туманларида 1200 гектар майдонда замонавий иссиқхоналар, Деҳқонобод тумани ҳамда вилоятнинг тоғолди ҳудудларида писта ва доривор ўсимликлар плантациялари ташкил қилиш зарурлиги айтилганди.

Яккабоғ, Қамаши, Чироқчи, Шаҳрисабз ҳамда Китоб туманларида 20 минг гектарда интенсив боғ ва узумзорлар яратиш орқали вилоятда мева-сабзавотни қайта ишлаш даражасини 25 %га етказиш мумкинлиги таъкидланди.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала