Жамият

Ўзбекистон ШҲТ давлатлари ўртасида парвозларни босқичма-босқич тиклашга чақирди

© Пресс-служба МИВТ УзбекистанаПремьер-министр Узбекистана Абдулла Арипов
Премьер-министр Узбекистана Абдулла Арипов  - Sputnik Ўзбекистон
Абдулла Арипов Ўзбекистон туризм ва маданий алмашувни ривожлантириш учун Шанхай ҳамкорлик ташкилотига (ШҲТ) аъзо давлатлар ўртасида парвозларни босқичма-босқич тиклашга чақиришини маълум қилди.

ТОШКЕНТ, 30 ноя — Sputnik. Ўзбекистон коронавирус пандемияси шароитида туризм ва маданий алмашувни ривожлантириш учун Шанхай ҳамкорлик ташкилотига (ШҲТ) аъзо давлатлар ўртасида парвозларни босқичма-босқич тиклашга чақирди. Бу ҳақда мамлакат бош вазири Абдулла Арипов ШҲТга аъзо давлатлар ҳукуматлар раҳбарлари кенгашининг онлайн шаклида ўтган мажлисида маълум қилди.

“Сайёҳлик соҳасидаги ҳамкорлик ривожланишига янги туртки бериш учун мамлакатларимиз ўртасида авиақатновларнинг босқичма-босқич тикланиши ҳам муҳим саналади. Бу амалий, гуманитар ва сайёҳлик алмашувнинг фаоллаши учун шароит яратади”, - деди Арипов.

Ўзбекистон бош вазирининг сўзларига кўра, бу жараённи коронавирус пандемияси шароитида барча санитария талабларига риоя қилган ҳолда амалга ошириш зарур.

Премьер-министр Узбекистана Абдулла Арипов принял делегацию правительства Казахстана во главе с вице-премьером Романом Скляром - Sputnik Ўзбекистон
Жамият
Абдулла Арипов Қозоғистон ҳукумати делегациясини қабул қилди

Шунингдек, Арипов Ўзбекистон ҳар йили ШҲТда раислик қилаётган мамлакат шаҳарларидан бирини ташкилотнинг сайёҳлик ва маданий пойтахти деб эълон қилиш таклифини илгари суришини билдирди.

Вазир Ўзбекистон 2021-2022 йилларда туризм соҳасида ШҲТга аъзо давлатлар ҳамкорлиги дастурини амалга ошириш бўйича қўшма ҳаракатлар режасини тасдиқлашни тезлаштириш тарафдори эканини маълум қилди.

Арипов Самарқандда “Ипак йўли” туризм халқаро университети ташкил этилганини эслатди ва у ШҲТнинг барча мамлакатлари учун туризм соҳасида мутахассисларни тайёрлаш бўйича мувофиқлаштирувчи олийгоҳ бўлиши мумкинлигини таъкидлади.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала