Кадастр агентлиги раҳбарларининг яримидан кўпи аттестациядан ўта олмади

© Unsplash / Sabri TuzcuРабота в офисе
Работа в офисе - Sputnik Ўзбекистон
Oбуна бўлиш
Кадастр агентлигининг жами 346 нафар раҳбарлари аттестациядан ўтказилди. Таҳлилга кўра, улардан 24 фоизи аттестациядан ўтган.

ТОШКЕНТ, 6 дек — Sputnik. Жорий йилининг ноябрь ойида президент қарори ижросини таъминлаш мақсадида Кадастр агентлигининг жами 346 нафар раҳбарлари аттестациядан  ўтказилди. Бу ҳақда Агентлик матбуот хизмати хабар қилди.

Натижаларга кўра:

  • 24 % аттестациядан ўтган;
  • 15 % шартли ўтган;
  • 61 % раҳбарлар аттестациядан ўта олмаган.

3 декабрдан бошлаб Кадастр агентлигининг туман-шаҳар филиаллари ходимларини аттестациядан ўтказиш ишлари бошланди. Ҳар бир вилоят кесимида натижалар эълон қилиб борилади.

Шунингдек, кадастр тизимидаги тозалаш ишлари натижаларига кўра жорий йилнинг 1 июнидан 1 декабрига қадар Агентлик тизимида фаолият юритиши давомида ўз ишига совуққонлик билан қараган, лавозимини суиистеъмол қилган ҳамда аҳолига хизмат кўрсатишда сусткашликка йўл қўйган 850 дан ортиқ ходимларнинг меҳнат шартномалари бекор қилинган.

Янгиликлар лентаси
0