Сиёсат

Шавкат Мирзиёев ва Нарендра Моди онлайн-саммит ўтказади

© Пресс-служба президента УзбекистанаПрезидент Узбекистана Шавкат Мирзиёев провел встречу с Премьер-министром Индии Нарендрой Моди
Президент Узбекистана Шавкат Мирзиёев провел встречу с Премьер-министром Индии Нарендрой Моди - Sputnik Ўзбекистон
Ўзбекистон президенти ва бош вазирининг видеоанжуман шаклидаги учрашуви бўлиб ўтади. Музокаралар якунида Қўшма баёнот қабул қилиниб, иқтисодиёт ва инновациялар, ва қўшма илмий тадқиқотлар ўтказишга доир қатор ҳукуматлараро ва идоралараро битимлар имзоланади.

ТОШКЕНТ, 10 дек — Sputnik. Жорий йилнинг 11 декабрь куни Ўзбекистон президенти Шавкат Мирзиёев ва Ҳиндистон бош вазири Нарендра Модининг видеоанжуман шаклидаги учрашуви бўлиб ўтади.

Давлат раҳбари матбуот хизмати хабарига кўра, тадбир кун тартибидан Ўзбекистон-Ҳиндистон дўстлик ва стратегик шериклик муносабатларини янада мустаҳкамлаш, сиёсий, савдо-иқтисодий, инвестициявий, маданий-гуманитар ва бошқа соҳалардаги кўп қиррали ҳамкорликни кенгайтиришнинг долзарб масалалари ўрин олган.

Узбекский милиционер - Sputnik Ўзбекистон
Ўзбекистон ва Ҳиндистон давлат хавфсизлигини таъминлашда ҳамкорликни мустаҳкамлайди

Коронавирус инфекциясининг глобал миқёсда тарқалиши оқибатларини енгиб ўтишда яқиндан ҳамкорликни давом эттириш масалаларига алоҳида эътибор қаратилади.

Ўзаро савдо ҳажмини ошириш, транспорт алоқаларини ривожлантириш, қишлоқ хўжалиги, энергетика, ахборот-коммуникация технологиялари, соғлиқни сақлаш, фармацевтика ва бошқа тармоқларда кооперацияни кучайтириш ҳамда ҳудудлараро мулоқотлар, таълим ва гуманитар алмашинувни фаоллаштиришга қаратилган устувор дастур ва лойиҳаларни кўриб чиқиш режалаштирилган.

Таъкидланишича, учрашув чоғида икки давлат етакчилари жаҳон ва Марказий Осиёдаги вазият юзасидан фикр алмашадилар, замонавий таҳдид ва хатарларга қарши самарали курашиш чора-тадбирларини муҳокама қиладилар.

Олий даражадаги музокаралар якунида Қўшма баёнот қабул қилиниб, иқтисодиёт ва инновациялар, молиявий-техник кўмак, божхона иши ва савдони техник тартибга солиш, кадрлар тайёрлаш ва қўшма илмий тадқиқотлар ўтказишга доир қатор ҳукуматлараро ва идоралараро битимлар имзоланади.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала