Сиёсат

Бухоро шаҳар прокурорига ҳайфсан эълон қилинди

© Sputnik / Рамиз БахтияровЗдание Генеральной прокуратуры Узбекистана
Здание Генеральной прокуратуры Узбекистана - Sputnik Ўзбекистон
Бош прокуратура маълумотларига кўра, хизмат текширувида Жасур Фозилов масъулиятсизликка йўл қўйиб, ўзи раҳбарлик қилаётган прокуратура иш юритувида бўлган жиноят ишининг тергови устидан назоратни таъминламаган.

ТОШКЕНТ, 22 дек — Sputnik. Бош прокурор Йиғматилла Йўлдошев ўз лавозимига қайтган Бухоро шаҳар прокурори Жасур Фозиловга ҳайфсан эълон қилди.

Бош прокуратура расмий баёнотида таъкидланишича, 2020 йил 2 декабрь куни хизмат вазифаларини бажаришдан вақтинча четлаштирилган Жасур Фозиловга нисбатан хизмат текшируви якунланганлиги муносабати билан бош прокурорнинг буйруғига асосан шаҳар прокурори 2020 йил 19 декабрдан хизмат вазифаларини бажаришга киришган.

Прокуратура - Sputnik Ўзбекистон
Сиёсат
Бухоро шаҳар прокурори Жасур Фозилов лавозимига тикланди

Хизмат текширувида Фозилов ўз хизмат вазифаларини лозим даражада бажармасдан, масъулиятсизликка йўл қўйиб, ўзи раҳбарлик қилаётган прокуратура иш юритувида бўлган жиноят ишининг тергови устидан назоратни таъминламаганлиги аниқланган. Амалдаги қонунчилик билан муқобил текширувлар бекор қилинган бўлса-да, жиноят ишига алоқаси бўлмаган хўжалик юритувчи субъектлар мансабдор шахсларини терговга жалб қилиб, сўроқ қилиш орқали муқобил текширган. Шунингдек, асоссиз равишда тадбиркорни чақиртириш ва мажбурий келтириш ҳақида қўл остидаги терговчига топшириқ берган.

“Шуларга кўра, Бош прокурорнинг 21.12.2020 йилдаги буйруғи билан Бухоро шаҳар прокурори Ж.Фозиловга ҳайфсан интизомий жазоси қўлланилди”, - дейилган хабарда.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала