"Россельхознадзор" Ўзбекистондан тайёр гўшт маҳсулотларига қўйилган тақиқни бекор қилди

© Sputnik / Николай Хижняк / Медиабанкка ўтишПрилавок с мясом
Прилавок с мясом - Sputnik Ўзбекистон
Oбуна бўлиш
Ветеринария ва чорвачиликни ривожлантириш давлат қўмитаси ва "Россельхознадзор" федерал хизмати ўртасида Ўзбекистондан экспорт қилинадиган чорвачилик маҳсулотлари ва корхоналар рўйхатини янада кенгайтириш борасида ўзаро ҳамкорликдаги ишлар давом этмоқда.

ТОШКЕНТ, 23 дек - Sputnik. Ўзбекистон Республикасида ишлаб чиқилган чорвачилик маҳсулотлари, хусусан, термик ишловдан ўтган тайёр гўшт ва сут маҳсулотлари ҳамда хом ашёлари экспорти учун йўл очилди, деб хабар бермоқда ЎзА.

Урожай томатов - Sputnik Ўзбекистон
Помидор ва қалампир: Россия айрим чекловларни қисман бекор қилди

"Россельхознадзор" федерал хизмати томонидан қўйилган вақтинчалик чеклов Халқаро эпизоотик Бюронинг қуруқликдаги ҳайвонлар соғлиғи кодекси талаблари асосида термик ишловдан ўтган тайёр маҳсулотлар учун бекор қилинди.

Эндиликда Ўзбекистон Республикасида тайёр гўшт ва сут махсулотларни ишлаб чиқарувчи тадбиркорлик субъектлари ўз маҳсулотларини Россия бозорида сотишларига имкон яратилди.

Бунинг учун тадбиркорлик субъектлари Евроосиё иқтисодий иттифоқига аъзо давлатларга экспорт қилувчи корхоналарни ягона реестрига кириши зарур бўлади. Реестрга киритишдан олдин аъзо давлатларнинг ваколатли органлари томонидан ҳамкорликда ишлаб чиқарувчи корхоналарда белгиланган тартибда ветеринария аудит ва инспекция ўрганишлари ўтказилиши зарур бўлади.

Грузчики работают на складе овощей и фруктов - Sputnik Ўзбекистон
Ўзбекистон 19 давлатга 78 хил маҳсулотни экспорт қилиш учун рухсатномалар олди

Дастлабки босқичда, мамлакатда фаолият олиб бораётган ўз маҳсулотларини экспорт қилиш истагини билдирган гўшт ва сут маҳсулотлари, балиқ ва парранда маҳсулотларини ишлаб чиқарувчи 9 нафар корхоналарда маҳсулотларни Евроосиё иқтисодий иттифоқига аъзо мамлакатларга экспорт қилишни амалга ошириш мақсадида ваколатли органлар томонидан ветеринария аудит ва инспекция ўрганишларининг ўтказилиши ташкил этилди.

Шу билан бир қаторда, Ветеринария ва чорвачиликни ривожлантириш давлат қўмитаси ва "Россельхознадзор" федерал хизмати ўртасида Ўзбекистондан экспорт қилинадиган чорвачилик маҳсулотлари ва корхоналар рўйхатини янада кенгайтириш борасида ўзаро ҳамкорликдаги ишлар давом этмоқда.

Янгиликлар лентаси
0