Рус тилини билмайдиган мигрантларга сохта сертификат берадиганлар катта жарима тўлайди

© Sputnik / Павел Лисицын / Медиабанкка ўтишСдача экзаменов в центре тестирования мигрантов
Сдача экзаменов в центре тестирования мигрантов - Sputnik Ўзбекистон
Oбуна бўлиш
Энг катта жарима - материални билмайдиган мигрантга рус тили, Россия тарихи ва қонунчилиги асосларини муваффақиятли топширганлиги тўғрисида сертификат топширадиганларга белгиланган.

ТОШКЕНТ, 31 дек — Sputnik. Россия президенти Владимир Путин чет элликлар зарур тестлардан ўтганларидан сўнг адолатсиз тарзда уларга "автомат" қўядиган ташкилотлар ва имтиҳон олувчиларга нисбатан жаримани назарда тутувчи қонунни имзолади.

Трудовые мигранты возвращаются домой - Sputnik Ўзбекистон
Ташкиллаштирилган тартибдаги меҳнат миграциясининг устуворликлари нимада?

Ҳужжат ҳуқуқий-ахборот расмий интернет-порталида эълон қилинган.

Энг катта жарима - материални билмайдиган мигрантга рус тили, Россия тарихи ва қонунчилиги асосларини муваффақиятли топширганлиги тўғрисида сертификат топширадиганларга белгиланган.

"Экзамен олувчига бу учун 30 мингдан 50 минг рублгача жарима солиниши мумкин, юридик шахслар эса 300 мингдан 500 минггача жарима тўлайди", - деб қайд этилган ҳужжатда.

Бундан ташқари, эндиликда, тасдиқланган ҳужжатга кўра, имтиҳонни ўтказиш шакли, сертификаттни топшириш тартиби, имтиҳон учун фиктив нарх ўрнатганлик ва натижаларни сақлаш тартибини бузганлик учун ҳам жарима тўлаттирилади.

Посадка на вывозной поезд из Ростова-на-Дону в Узбекистан  - Sputnik Ўзбекистон
Икки минг нафар ўзбек мигрантлари Россияга ишга жўнаб кетади

Имтиҳон натижаларини федерал реестрга нотўғри киритганлик учун ҳам амалдорлар учун 15 минг рублдан бошланадиган, юридик шахслар учун эса 150 минг рублгача жарималар кўзда тутилган.

Бу сингари маъмурий ишларни кўриб чиқиш ва иш қўзғатиш бўйича ваколатлар Рособрнадзорга берилади.

Эслатиб ўтамиз, рус тили, Россия тарихи ва қонунчилиги асослари бўйича комплекс имтиҳонларни муваффақиятли топширганлик бўйича сертификат мигрантларга ишга жойлашиш, вид на жительство ва вақтинчалик яшаш ҳуқуқини берувчи ҳужжатларни олиш учун зарур.

Чет элликлар имтиҳонларни таълим ташкилотларида ва Россия олийгоҳларида топширадилар.

Янгиликлар лентаси
0