Дунёда

Фақат кўп қиррали ҳамкорлик инсониятни қутқариб қолади - Путин Давос форумида нима деди

© Sputnik / Михаил Климентьев / Фотобанкка ўтишПрезидент РФ В. Путин выступил на сессии онлайн-форума "Давосская повестка дня 2021"
Президент РФ В. Путин выступил на сессии онлайн-форума Давосская повестка дня 2021 - Sputnik Ўзбекистон
“Бир чўққили дунё” қуришга бўлган уриниш даври тугади, энди кўп қиррали ҳамкорликни йўлга қўйишимиз керак, - деди Путин.
ТОШКЕНТ, 27 янв - Sputnik. Россия президенти Владимир Путин Давосс форумининг очилиш маросимида онлайн нутқ сўзлади.
Ўз сўзида Россия президенти бугунги кунда дунёда содир бўлаётган глобал жараёнлар ва муаммолар, коронавирус пандемияси ва вакцина яратиш масалалари ҳақида тўхталиб ўтди.
Президент РФ В. Путин провел встречу с премьер-министром РФ М. Мишустиным - Sputnik Ўзбекистон
Россия
Путин ва Байденнинг илк телефон суҳбати: президентлар нималарни муҳокама қилди
Владимир Путин айтишига қараганда, 2020 йилда содир бўлган COVID-19 пандемияси инсоният учун мисли кўрилмаган чақириқ бўлган. Коронавирус туфайли бутун дунёда иқтисодий ва ижтимоий муаммолар кескинлашган. 
Биринчи навбатда, бунга сабаб - иқтисодий муаммолар. Камбағал давлатлар ва жамиятнинг даромади кам бўлган қатлами пандемия оқибатида янада оғир аҳволга тушиб қолиши оқибатида норозилик даражаси кескин ошиб бормоқда. Бу эса келажакда давлатларни, жамиятларни парчаланишига, барчанинг барчага қарши уруши бошланиши мумкин.
Россия президенти фикрига кўра, дунёда сўнгги бир неча ўн йилликда олиб борилган глобализация жараёнлари  – фақат Америка ва Европанинг йирик корпорациялари даромади ошишига олиб келган. Дунёдаги энг йирик рақамли компаниялар эса ҳукуматлар билан рақобат қилиш даражасига етган.
“Инсоният тарихида турли давлат ва жамиятлар орасида рақобат, кураш, манфаатлар тўқнашуви ҳеч қачон тўхтамаган, лекин пандемия каби барча учун оғир бўлган даврларда – барча давлатлар саъй-ҳаракатларини бирлаштириши мақсадга мувофиқ бўлар эди. Менимча ҳозир айнан ана шундай вақт”, - деди Путин.  
Бундай ҳамкорлик, хусусан коронавирусга қарши вакцина яратиш соҳасида йўлга қўйилиши мумкин. Коронавирусга қарши вакцинани барча давлатларга, жумладан Африка давлатларига ҳам етказиб бериш керак.
Люди в масках в Брюсселе, Бельгия - Sputnik Ўзбекистон
Россия
Европа Россия билан муносабатларини қутқаришга уринмоқда – ўз келажагини ҳам
Иккинчидан, бадавлат давлатлар камбағал давлатлар билан маслаҳатлашган ҳолда миграция муаммоларини ҳам ҳал қилиши мумкин. 
Россия президенти, шунингдек “бир чўққили дунё” қуришга бўлган уриниш даври тугаганини  маълум қилди. Ушбу вазиятда глобал можарога йўл қўйилса – инсоният цивилизацияси йўқ бўлиб кетиши хавфи жуда катта.
Бугунги кунда давлатлар бир бири билан кўп қиррали ҳамкорликни йўлга қўйишлар керак. Ана шунда барча сиёсий, иқтисодий ва гуманитар муаммоларни енгиш мумкин бўлади, дейди Путин.
Нутқ сўнггида Россия президенти Европа давлатларига ўтган замон қўрқувларидан воз кечиб Россия билан тўлақонли ҳамкорликни йўлга қўйишга чақирди.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала