Рўйхатдан ўтиш муваффақиятли бўлди!
Илтимос, га жўнатилган хатдаги ҳаволага ўтинг
Жамият

Тошкентнинг 24 маҳалласида чиқиндиларни саралаган ҳолда тўплаш тажрибаси жорий этилади

© Sputnik / Рамиз БахтияровУрны для раздельного сбора мусора
Урны для раздельного сбора мусора - Sputnik Ўзбекистон, 1920, 24.02.2021
Тажриба жорий этиладиган маҳаллалар аҳолисига рангли пакетлар берилади: сариқ – қайта ишланадиган чиқиндилар (қоғоз ва пластик), яшил – органик чиқиндилар (озиқ-овқат қолдиқлари, барглар, ўтлар), кулранг пакетлар эса қайта ишланмайдиган чиқиндилар учун мўлжалланган.
ТОШКЕНТ, 24 фев - Sputnik. Тошкентнинг 24 маҳалласида чиқиндиларни саралаган ҳолда тўплаш тажрибаси жорий этилади, деб хабар бермоқда Тошкент шаҳар ҳокимлиги матбуот-хизмати.
Тошкентда Чирчиқ дарёсига чиқиндилар ташлаб кетилди - ким тозалайди? - Sputnik Ўзбекистон, 1920, 18.02.2021
Видео
Тошкентда Чирчиқ дарёсига чиқиндилар ташлаб кетилди - ким тозалайди?
Эслатиб ўтамиз, Тошкентда тўпланадиган чиқиндилар йилдан йилга ошиб бормоқда ва прогнозларга кўра, 15 йилдан кейин унинг ҳажми икки баробар ошади. Ушбу вазиятдаги ягона ечим – чиқиндиларни қайта ишлаш бўлиб, бунинг учун уни саралаш лозим. 2019 йилда Яккасарой туманидаги маҳаллалардан бирида чиқиндиларни саралаб, тўплаш бўйича биринчи лойиҳа амалга оширилди. 
Президентнинг "Тошкент шаҳрида маиший ва қурилиш чиқиндилари билан боғлиқ ишларни амалга оширишни такомиллаштириш чора-тадбирлари тўғрисида"ги қарорига мувофиқ, қаттиқ маиший чиқиндиларни (ҚМЧ)тўплаш, саралаш ва олиб чиқиб кетиш хизматларини ташкил этиш соҳасида хусусий сектор улушини 100 фоизга етказиш кўзда тутилган. 
Раздельный сбор мусора в Москве - Sputnik Ўзбекистон, 1920, 16.12.2020
Тошкентда 2021 йилдан чиқиндиларни саралаб йиғиш тизими жорий этилади
Жорий йилда ҚМЧни саралаган ҳолда тўплаш ҳар бир тумандаги иккита маҳаллада – жами 24 та маҳаллада жорий этилади. Ушбу маҳаллалар аҳолисига рангли пакетлар берилади. Сариқ пакетлар – қайта ишланадиган чиқиндилар (қоғоз ва пластик), яшил пакетлар – органик чиқиндилар (озиқ-овқат қолдиқлари, барглар, ўтлар), кулранг пакетлар эса қайта ишланмайдиган чиқиндилар (оёқ кийимлари, салфеткалар, памперслар) учун мўлжалланган.
Чиқиндиларни олиб кетиш учун ҳафтасига икки маротаба рангли яшил ва кулранг-сариқ стикерларли машиналар келади (ёзда кўпроқ келади). Ушбу мақсадда "Махсустранс" ОТТБ грант маблағлари ҳисобидан 59 та янги махсус машиналарини харид қилди ва уларга ҳозирги кунда стикерлар ёпиштирилмоқда. Саралаган ҳолда чиқиндиларни йиғишни рағбатлантириш учун оилаларга ҚМЧни олиб чиқиш учун тўлов тарифи пасайтирилади.
Тажриба учун танланган маҳаллалар аҳолисига ҚМЧни саралаш зарурияти ҳақидаги ахборотни етказиш тадбирлари кўриб чиқилмоқда. Мактаблар ва маҳалла қўмиталарида мувофиқ мавзудаги маърузалар, қизиқарли дарслар, концертлар ва кичик ҳашарлар ташкил этилиши кутилмоқда.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала