Қирғизистон Тожикистон билан чегарага қўшимча қўшин юборди

© © Фото / пресс-служба правительства / Алишер АлиевЛичный состав пограничного поста Максат
Личный состав пограничного поста Максат - Sputnik Ўзбекистон, 1920, 04.03.2021
Oбуна бўлиш
Тожик-қирғиз чегарасида Қирғизистон ҳарбийларининг қўшимча кучлари пайдо бўлди. Асосий мақсад – айрим шахслар ёки гуруҳлар томонидан Россия нефтини Тожикистонга реэкспорт қилинишига тўсқинлик қилиш.
ТОШКЕНТ, 4 мар — Sputnik. Тожик-қирғиз чегарасида ёнилғи-мойлаш материаллари контрабандаси ўтадиган назоратдан ўтиш пунктлар ва яширин маршрутларни патрул қиладиган Қирғизистон ҳарбийларининг қўшимча кучлари пайдо бўлди. Бу ҳақда Sputnik Тожикистонга манба хабар қилди.
"Уларнинг асосий мақсади – айрим шахслар ёки гуруҳлар томонидан Россия нефтини Тожикистонга реэкспорт қилинишига тўсқинлик қилиш", - деди манба.
Қайд этилишича, тожик-қирғиз чегарасида бензин ва бошқа нефт маҳсулотларининг контрабанда ҳолатлари кўпайган, уддабуронлар эса бундан катта фойда қилмоқда.
Энди Қирғизистон ҳукумати контрабандачиларнинг ноқонуний фаолиятига чек қўйишга қарор қилди, деб қўшимча қилди манба.
Куни кеча, 3 мартда Қирғизистон бош вазири Улукбек Марипов Қирғизистондан нефт ва нефт маҳсулотларининг ЕОИИдан ташқарига экспортини тақиқловчи қарорни имзолади.
Янгиликлар лентаси
0