Жамият

Вакцинация, “музлатгич занжири” ва сертификат - Юсупалиев

© Sputnik / Павел Лисицын / Фотобанкка ўтишОткрытие пунктов вакцинации в торговых центрах Екатеринбурга
Открытие пунктов вакцинации в торговых центрах Екатеринбурга - Sputnik Ўзбекистон, 1920, 10.03.2021
Баҳодир Юсупалиев аҳолини эмлаш йўналишида амалга оширилаётган ишлар ҳақида маълумот берди.
ТОШКЕНТ, 10 мар — Sputnik. Санитария-эпидемиологик осойишталик ва жамоат саломатлиги хизмати бошлиғи Баҳодир Юсупалиев аҳолини эмлаш йўналишида амалга оширилаётган ишлар ҳақида маълумот берди.
“Бугунги кунда иккита асосий йўналишда ишлар олиб борилмоқда. Биринчи - эмлаш жараёни ташкил этиш, моддий-техника базаси, кадрлар салоҳияти, “музлатгич занжири”ни ҳосил қилиш ва иккинчи йўналиш - вакциналарни харид қилиш масаласи”, - деди Юсупалиев.
Соғлиқни сақлаш вазирлиги, ҳукумат ва санитария-эпидемиология тизими томонидан ҳар бир поликлиникада, шифокорлик пунктида 3168 та эмлаш пунклари ташкил этилди, шунингдек, уйда ётиб қолган кишиларни эмлаш мақсадида 860 тадан зиёд мобил-бригадалар ташкил этилди. Аҳолини эмлаш жараёнини ташкил этиш учун “музлатгич занжири”ни ҳосил қилиш учун 17 та авторефрижератор, 206 та минивэн машинаси харид қилинди ва жойларга етказилди.
Шприц, хавфсиз қутилар таъминоти йўналишида - 6 млрд сўмдан зиёд маблағ ажратилди ва харид жараёнлари амалга оширилмоқда.
Тиббиёт ходимларни тайёрлаш йўналишида – 10 мингдан ортиқ вакцинаторлар, патронаж хамширалари, 33 мингдан ортиқ шифокорлари эмлаш жараёнига тайёргарлик кўрмоқда.
“Биринчи навбатда, эмланадиган аҳоли вакилларини электрон рўйхатга олиш ишлари олиб бориляпти. Янги emlash.uz деб номланган сайт яратилди. Вакцина олган фуқаролар бу сайтда рўйхатдан ўтказиб борилади. Уларга эмланганлик ҳақида тегишли сертификат ҳам берилади”, - деди ССВ вакили.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала