Қирғизистонда ЕОИИ ва МДҲ давлатларининг биринчи ёшлар форуми старт олди  - Sputnik Ўзбекистон, 1920
Ўзбекистон ва ЕОИИ
Шавкат Мирзиёев ҳукумат, экспертлар ва парламент аъзоларига Ўзбекистоннинг ЕОИИга кириш истиқболларини ҳар томонлама ўрганиб чиқиш, бу интеграциянинг барча афзалликлари ва хавф-хатарларини баҳолаб, якуний қарор қабул қилиш учун батафсил ҳисобот тақдим этилиши ҳақида топшириқ берган эди.

Қирғизистоннинг ЕОИИдаги имтиёзлари Ўзбекистон учун қандай фойдали бўлиши мумкин?

© Sputnik / Медиабанкка ўтишФлаги стран-участниц ЕАЭС и государств-наблюдателей при союзе
Флаги стран-участниц ЕАЭС и государств-наблюдателей при союзе - Sputnik Ўзбекистон, 1920, 11.03.2021
Oбуна бўлиш
Ўзбекистон Қирғизистоннинг ЕОИИ имтиёзларидан фойдаланиб, учинчи давлатлар бозорларига биргаликда чиқишни мўлжалламоқда - Ўзбекистон Республикаси бош вазирининг ўринбосари Сардор Умурзоқов.
ТОШКЕНТ, 11 мар — Sputnik. Ўзбекистон Қирғизистоннинг ЕОИИ имтиёзларидан фойдаланиб, учинчи давлатлар бозорларига биргаликда чиқишни мўлжалламоқда, деди Ўзбекистон Республикаси бош вазирининг ўринбосари, инвестициялар ва ташқи савдо вазири Сардор Умурзоқов.
Пайшанба куни Тошкентда ўзбек-қирғиз бизнес форуми бўлиб ўтмоқда. Тадбир Қирғизистон президенти Садир Жапаровнинг 11-12 март кунлари Ўзбекистонга ташрифи доирасида ташкил этилди.
"Биз ҳаммамиз биламизки, Қирғизистон - ЖСТ, ЕОИИ аъзоси. Қирғизистон ташқи бозорга чиқишнинг бир қатор афзалликларига эга. Биз ушбу бозорларга биргаликда чиқиш учун кучларни бирлаштиришимиз керак", - деди Умурзоқов ўз нутқида.
Ўзбекистон бош вазир ўринбосари таъкидлашича, коронавирус пандемияси туфайли жаҳон савдосининг пасайиши фонида икки давлат ўртасидаги савдо айланмаси, аксинча, ошди.
"Ҳозир президентлар янги улкан вазифани қўймоқдалар. Биз савдо айланмасини бир миллиардга, ​​сўнгра икки миллиард долларга етказишимиз керак. Ўйлайманки, бу амалга ошириш мумкин бўлган вазифа", - деди Умурзоқов.
Қирғизистон бош вазирининг ўринбосари, молия ва иқтисодиёт вазири Улукбек Кармишаков ўзбекистонлик тадбиркорларга "Қирғизистоннинг ЕОИИга аъзолигидан фойдаланиб, унинг улкан бозорини биргаликда ўзлаштиришни" таклиф қилди.
"Мен устувор йўналишлар - тикув саноати, қишлоқ хўжалигини қайта ишлаш, туризм, машинасозлик ва тиббиётга инвестиция киритиш имкониятини кўриб чиқишга чақираман, бу ерда Ўзбекистон Марказий Осиёда етакчилардан бири ҳисобланади", - деб қўшимча қилди Кармишаков.
Ўзбекистон томонининг маълумотларига кўра, Ўзбекистон ва Қирғизистон ўртасидаги савдо айланмаси 2020 йил охирига келиб 10 фоизга ўсиб, 903,1 миллион долларга етди. Бугунги кунда Ўзбекистонда Қирғизистон капитали иштирокидаги 183та корхона фаолият юритмоқда.
Эслатиб ўтамиз, бугунги кунда ЕОИИ аъзолари - Россия, Арманистон, Беларусь, Қозоғистон ва Қирғизистон.
Кузатувчи-давлатлар - Ўзбекистон, Молдова ва Куба.
Янгиликлар лентаси
0