Жамият

Мактаб биносида зиёфат уюштирган директор ва унинг ўринбосарлари ишдан кетди

© Sputnik / Алексей Куденко / Медиабанкка ўтишПитейные заведения Москвы
Питейные заведения Москвы - Sputnik Ўзбекистон, 1920, 22.03.2021
Обуна бўлиш
НовостиTelegram
Чироқчи туманида жойлашган мактабларнинг бирида уюштирилган зиёфат дастурхонида спиртли ичимликлар ҳам бўлган.
ТОШКЕНТ, 22 мар — Sputnik. Қашқадарё вилоятининг Чироқчи туманида жойлашган мактабларнинг бирида зиёфат уюштирган директор ва унинг ўринбосарлари ишдан кетди. Бу ҳақда туман Халқ таълими бўлими матбуот хизмати хабар қилмоқда.
Хабарда билдирилишича, 19 март куни Чироқчи тумани халқ таълими бўлимига қарашли умумтаълим мактаби директори П.А. бошчилигида мактаб жамоаси Наврўз байрамини нишонлаш мақсадида жамоа розилиги билан 50 минг сўмдан пул йиққан. Жамоат байрамни ўзлари фаолият олиб бораётган таълим муассасасида уюштиришган. Мактабда ташкил этилган зиёфат дастурхонида спиртли ичимликлар ҳам бўлган.
Привлечение учителей и учеников школы номер семь Избасканского района Андижанской области к принудительному труду - Sputnik Ўзбекистон, 1920, 22.06.2019
Тошкентда педагогларни мажбурий меҳнатга жалб этган директор жаримага тортилди
Халқ таълими бўлими мудири бошчилигидаги ишчи гуруҳ аъзолари 20 март куни мактабда бўлган ҳолатга ойдинлик киритиш мақсадида мактабга борган.
Директор ва унинг ўринбосарлари қилган ишларидан изза бўлиб, ўз хоҳишларига кўра, эгаллаб турган лавозимларидан озод қилишини сўраб ариза ёзган.
Янгиликлар лентаси
0