Жамият

Риштонлик отельер Саид Аҳмедов: пандемия янги имкониятларни тақдим этди

© фото из личного архива Саида АхмедоваГостевой дом в Риштане
Гостевой дом в Риштане - Sputnik Ўзбекистон, 1920, 27.03.2021
Ўтган йили коронавирус инфекцияси авж олиб, сўнг бутун дунёда пандемия эълон қилингач, меҳмон-уйлар ҳам туризм соҳаси қаторида “шок” ҳолатини бошдан кечирди.
Чет эллик сайёҳлар оқими шиддат билан қисқарди, мамлакатнинг бошқа регионларидан келувчи меҳмонлар сони ҳам кескин камайди. Мана шундай шароитда меҳмон-уйлари қай тарзда “яшаб қолгани” ҳақида Sputnik мухбирига “Said “S” ceramics” меҳмон уйи эгаси, риштонлик кулол – Саид Аҳмедов сўзлаб берди.
“Said “S” ceramics” меҳмон уйи - Фарғона вилояти Риштон туманида ташкил этилган биринчи меҳмон-уйларидан бири саналади, "Фарғона-Қўқон" марказий трассасидан 25 километр масофада жойлашган.
Город Самарканд. Вид на площадь Регистан - Sputnik Ўзбекистон, 1920, 27.02.2021
Туризм
Самарқандда туризм мавсумига старт берилмоқда
Бутун дунёга кулолчилиги билан машҳур Риштон марказигача бу ердан 600 метр юрасиз.
Аввалига 5 хонадан иборат бўлган мўъжазгина уй-отел, бугунга келиб 36 ўринли кичик меҳмонхона кўринишини олган.
Саид Аҳмедовнинг айтишича, бундан ҳатто 4-5 йил аввал бутун дунёга кулолчилиги билан машҳур Риштон туманига чет эллик сайёҳлар кўпи билан нари борса ярим соатгагина - яъни “бирров”га кириб кетишган.
“Оилавий корхона – меҳмон-уйини очгач вазиятни ўзгартиришни истадим. Аввалига турфирма очдим. Самарқанд, Тошкент шаҳридаги сайёҳлик фирмалари билан туристларни Риштонга юбориш бўйича шартномалар имзоладим. Гид, транспорт масалаларини ҳал қилдим. Бугун Риштонга ташриф буюрадиган сайёҳлар учун ўзига хос дастур ҳам тузганмиз. Уларга бугун Риштонни бутун дунёга машҳур қилган кулолчилиги асоси - ноёб лойини қазиб олиш ва кулолчилик сирларини ўргатишдан тортиб, ўзбек миллий ошхонаси сирлари, хусусан, холва тайёрлаш, нон пишириш, турли таомлар тайёрлаш бўйича мастер-класслар ўтилади”, - дея ҳикоя қилади пандемия давригача бўлган туристик мавсумни эсга олар экан Саид Аҳмедов.
Генеральный директор туроператора Дельфин Сергей Ромашкин - Sputnik Ўзбекистон, 1920, 16.10.2020
Аналитика
Ромашкин: туризм бизнеси 2023 йилдан олдин жонланмайди
Меҳмон уйига эгалик қилиш билан бирга Саид Аҳмедов кулолчилик билан шуғулланиб келади. Шу ҳунари унга коронавирус пандемияси ўзи билан олиб келган инқироздан қутқарди дейиш мумкин.
Сабаби, бутун дунё сингари Ўзбекистонни ҳам четлаб ўтмаган коронавирус пандемияси эндигина ривожланаётган меҳмон-уйи эгаси режаларини кутилмаганда ўзгартириб юборган эди.
© Фото из личного архива Саида АхмедоваОтельер из Риштана Саид Ахмедов
Отельер из Риштана Саид Ахмедов - Sputnik Ўзбекистон, 1920, 27.03.2021
Отельер из Риштана Саид Ахмедов
“Пандемияда қийинчилик бўлмади, деёлмаймиз. Бор пулимизни шу бизнесга сарфлаб, анча қийналиб қолдик. Ўтган йил бошида мавсумдан умидларимиз катта эди-да. Туристлар оқими тўхтагач, секин-аста кулолчилик маҳсулотларимизга бошқа давлатлардан харидор излай бошладик. Ҳозирги кунда маҳсулотларимизни Россия, Украина, Польшага экспорт қиляпмиз”, - дейди Аҳмедов.
Суҳбатдош пандемия барҳам топиши билан Риштонда туризм қайта жонланишига, Фарғона водийсига яна чет эллик сайёҳлар ташриф буюришларига шубҳа қилмайди. Ҳозирча эса, бир йиллик танаффусдан сўнг, яхши ният билан туристларни кутиб олишга тайёргарлик ишларини бошлаб юборган.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала