Наманганда махсус боғчада иссиқ сувдан куйган олти ёшли бола вафот этди

© Sputnik / Александр Кряжев / Медиабанкка ўтишЭмблема Международной организации Красного креста на автомобиле "скорой помощи"
Эмблема Международной организации Красного креста на автомобиле скорой помощи - Sputnik Ўзбекистон, 1920, 05.04.2021
Oбуна бўлиш
У.Ҳ. 2019 йил 27 февралидан мазкур болалар боғчасида ақлий ривожланишнинг орқада қолиши ташхиси билан тарбияланаётган бўлган.
ТОШКЕНТ, 5 апр — Sputnik. Наманган вилояти Давлатобод туманидаги махсус боғча тарбияланувчиси қаттиқ куйиш оқибатида вафот этди.
Вилоят прокуратураси хабарига кўра, ҳодиса тумандаги 31-сонли кўп тармоқли ихтисослаштирилган мактабгача таълим муассасасида 2021 йил 5 феврал куни рўй берган. Олти ёшли У.Ҳ. иссиқ сув жўмрагини очиб юборган ва эҳтиётсизлиги оқибатида 2-даражали 65 фоиз куйиш тан жароҳати олган. Натижада у вилоят кўп тармоқли болалар шифохонасига ётқизилган.
У.Ҳ. 2019 йил 27 февралидан мазкур болалар боғчасида ақлий ривожланишнинг орқада қолиши ташхиси билан тарбияланаётган бўлган. Болакай куйиш оқибатида 24 февраль куни вафот этган.
Новый детский сад открыли в Сергелийском районе Ташкента - Sputnik Ўзбекистон, 1920, 24.01.2021
“Ўлик жонлар” ортидан 983,5 млн сўмни ўмарган боғча мудирасининг кирдикорлари фош бўлди
Наманган вилоят СТЭБнинг 24 февраль кунги 70-сонли хулосасида марҳум У.Ҳ.нинг ўлими қайноқ сувдан бош, юз ва тананинг бошқа қисмлари 2, 3-даражали 70 фоиз куйиши асорати натижасида полиорган юрак қон-томир етишмовчилиги натижасида юз бергани ва мурда танасида куйишдан бошқа тан жароҳатлари аниқланмагани кўрсатилган.
Хабарда билдирилишича, мазкур ҳолатга тергов йўли билан баҳо бериш зарурияти туғилган. Шу боис Жиноят кодексининг 116-моддаси 3-қисми (Касб юзасидан ўз вазифаларини лозим даражада бажармаслик одам ўлишига сабаб бўлса), 207-моддаси 1-қисми (мансабга совуққонлик билан қараш баданга ўртача оғир ёки оғир шикаст етказилишига сабаб бўлса)билан жиноят иши қўзғатган.
Вилоят прокуратураси тергов ҳаракатларини олиб бормоқда.
Янгиликлар лентаси
0