Менделеев халқаро олимпиадасида Ўзбекистон 7та медал қўлга киритди

© ХТВМеждународная олимпиада по химии
Международная олимпиада по химии - Sputnik Ўзбекистон, 1920, 27.04.2021
Oбуна бўлиш
Кимё бўйича мактаб ўқувчилари орасида ўтказилган халқаро олимпиадада Ўзбекистон жамоаси 1та олтин, 4та кумуш ва 2та бронза медални қўлга киритди.
ТОШКЕНТ, 27 апр – Sputnik. Кимё бўйича 26 апрел куни якунланган 55-халқаро Менделеев олимпиадасида Ўзбекистондан 7 нафар мактаб ўқувчилари иштирок этиб, уларнинг барчаси медаллар соҳиби бўлди, деб хабар қилмоқда Халқ таълими вазирлиги.
Олтин медал
Фирдавс Собиров - Бухоро шаҳар 35-умумий ўрта таълим мактаби ўқувчиси
4та кумуш медаль
Азимжон Жамолов – Ёш биологлар ва кимёгарлар ихтисослаштирилган мактаб-интернати ўқувчиси;
Собиржон Аманов – Тошкент педиатрия тиббиёт институти академик лицейи ўқувчиси;
Нафиса Нормуродова – Тошкент педиатрия тиббиёт институти академик лицейи ўқувчиси;
Дурдона Мухтархўжаева – Абу Али ибн Сино номидаги ёш биологлар ва кимёгарлар ихтисослаштирилган мактаб-интернати ўқувчиси.
2та бронза медаль
Икромиддин Боймаҳаммадов – Абу Али ибн Сино номидаги ёш биологлар ва кимёгарлар ихтисослаштирилган мактаб ўқувчиси;
Бегзод Рўзибоев – Тошкент педиатрия тиббиёт институти академик лицейи
Пробный ЕГЭ по русскому языку - Sputnik Ўзбекистон, 1920, 25.07.2020
Янги формат: Ўзбекистон мактаб ўқувчилари орасида тест синовлари тизимини жорий этмоқда
Халқаро олимпиада икки турда ўтказилди: илк босқичда барча иштирокчилар 8 та мажбурий масала ишлаган бўлса (жами 80 балл), иккинчи босқичда кимё фанининг 5 бўлимига оид 15 масаладан ихтиёрий 5 тасини ишлаш талаб қилинди (жами 75 балл).
Халқаро олимпиада Тошкент шаҳри Юнусобод тумани 9-Ахборот технологияларга ихтисослаштирилган мактабда ўтказилди ва жараёнлар ташкилий қўмита томонидан жами 17 та вебкамера ва микрофонлар орқали кузатиб борилди.
20-26 апрель кунлари онлайн тарзда бўлиб ўтган 55-Халқаро Менделеев кимё олимпиадасида 28 давлат вакиллари иштирок этди. Улар орасида Австрия, Хитой, Туркия, Россия, Саудия Арабистони, Исроил, Хорватия, Венгрия ва бошқа мамлакатлар бор.
Умумжамоа ҳисобида биринчи ўринда Россия -7та олтин, иккинчи ўринда Руминия – 4та олтин, Ўзбекистон, Туркия, Туркманистон ва Украина жамоалари – 1тадан олтин медал соҳиби бўлишди.
Янгиликлар лентаси
0