Сиёсат

Япония Ўзбекистонга молиявий-техник кўмакни кенгайтиришга тайёрлигини билдирди

© Flickr / Mj-birdФлаг Японии
Флаг Японии - Sputnik Ўзбекистон, 1920, 12.05.2021
Ўзбекистон президенти Шавкат Мирзиёев ва Япония бош вазири Ёсихидэ Суга ҳамкорлик истиқболларини муҳокама қилди.
ТОШКЕНТ, 12 май — Sputnik. Япония Ўзбекистонга молиявий-техник кўмакни кенгайтиришга тайёр. Бу Ўзбекистон президенти Шавкат Мирзиёевнинг Япония бош вазири Ёсихидэ Суга билан телефон орқали мулоқот давомида маълум бўлди.
Давлат раҳбари матбуот хизмати хабарига кўра, мулоқатда Ўзбекистон-Япония стратегик шериклик ва кўп қиррали ҳамкорлик муносабатларини янада ривожлантиришнинг долзарб масалалари муҳокама қилинди.
Мирзиёев мамлакатда амалга оширилаётган комплекс ислоҳотлар дастурини фаол қўллаб-қувватлаётгани ҳамда коронавирусга қарши кураш ва пандемиянинг иқтисодий оқибатларини енгиб ўтишда кўрсатилган ёрдам учун Япония бош вазири ва ҳукуматига самимий миннатдорлик билдирди.
Япония бош вазири, ўз навбатида, янгиланишларни янада илгари суриш, замонавий саноат ва ижтимоий инфратузилмани ривожлантириш мақсадида Ўзбекистонга молиявий-техник кўмакни кенгайтиришга тайёр эканини таъкидлади.
Япония томони Тошкент Корея ярим оролини ядровий қуролдан холи ҳудудга айлантириш ва ўғирланган япон фуқароларини қайтариш масаласини муттасил қўллаб-қувватлаётгани учун алоҳида миннатдорлик билдирди.
Икки томонлама савдо-иқтисодий, инвестициявий ва молиявий ҳамкорликни ривожлантириш истиқболлари кўриб чиқилди.
Ўзбекистон президенти JIСA агентлиги, Япониянинг етакчи компаниялари ва банк-молия институтлари билан самарали шерикликни юксак баҳолади. Ўтган йилда, глобал инқироз ва карантин чекловларига қарамай, япониялик сармодор ва мутахассислар билан биргаликда Тўрақўрғон ИЭС қурилиши, Навоий ИЭСни кенгайтиришнинг иккинчи босқичи, “Навоийазот” корхонасида аммиак ва карбамид ишлаб чиқариш бўйича юқори технологик қувватларни ишга тушириш каби устувор лойиҳалар амалга оширилди.
Ўзаро савдо ва инвестициялар ҳажмини ошириш учун қулай шарт-шароитлар яратиш муҳим экани алоҳида таъкидланди.
Денежные купюры: доллары США - Sputnik Ўзбекистон, 1920, 08.03.2021
Жамият
Япония Ўзбекистонга 2та кредит ажратади
Давлат раҳбарлари қўшма бизнес лойиҳаларни молиявий қўллаб-қувватлашнинг самарали воситаларини жорий этиш ташаббусини маъқулладилар.
Шунингдек, халқаро кун тартиби, минтақавий хавфсизлик ва барқарорликни таъминлаш масалалари юзасидан фикр алмашилди. Томонлар “Марказий Осиё + Япония” форматидаги амалий ҳамкорликни кенгайтиришга тайёр эканликларини қайд этдилар.
Япония Бош вазири жорий йил июль ойида Тошкент шаҳрида ўтказиладиган Марказий ва Жанубий Осиёнинг ўзаро боғлиқлигига бағишланган халқаро конференцияни қўллаб-қувватлашини ва унинг ишида иштирок этишини таъкидлади.
Калькулятор - Sputnik Ўзбекистон, 1920, 18.09.2020
Иқтисод
Япония ва Корея билан даромад солиқларига оид шартнома тасдиқланди
Суҳбат сўнгида Мирзиёев Токио шаҳридаги Олимпия ва Паралимпия ўйинлари муваффақиятли ўтишини тилади ҳамда бош вазир Ёсехидэ Сугани мамлакатга ташриф билан келишга таклиф қилди
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала