Жамият

Ўзбекистон делегацияси Қозонга ташриф буюрди

© Пресс-служба хокима ТашобластиЎзбекская делегация в Казани
Ўзбекская делегация в Казани - Sputnik Ўзбекистон, 1920, 19.05.2021
Тошкент шаҳар ва Тошкент вилояти ҳокимлари ҳамда уй-жой қурилиш вазирларидан иборат Ўзбекистон делегацияси Қозонга ташриф буюрди.
ТОШКЕНТ, 19 май - Sputnik. Май ойининг 17-18 саналарида Ўзбекистон делегациясининг Қозон шаҳрига ташрифи бўлиб ўтди, деб хабар қилмоқда Sputnik мухбири.
Делегация таркибида Тошкент шаҳар ҳокими Жаҳонгир Ортиқхўжаев, Тошкент вилояти ҳокими Даврон Ҳидоятов, уй-жой коммунал хизмат кўрсатиш вазири Шерзод Ҳидоятов ва бошқа мутасаддилар бор эди.
Ташриф доирасида меҳмонлар Татаристон президенти Рустам Минниханов ҳамда Қозон мэри Илсур Метшин билан учрашишди. Учрашувлар доирасида савдо-иқтисодий, маданий-гуманитар ҳамда шаҳарсозлик соҳаларида амалий ҳамкорликни кенгайтириш бўйича фикр алмашилди.
Делегация Узбекистана по правам человека встретилась с российскими коллегами - Sputnik Ўзбекистон, 1920, 18.05.2021
Миграция
Ўзбекистон инсон ҳуқуқлари делегацияси Москва Миграция марказида бўлди
Делегация, шунингдек, ободонлаштириш, жамоат транспорти тизими ҳамда Қозондаги ижтимоий ва инфратузилма объектлари билан танишди. Хусусан, Горкинско-Ометьевский ўрмон боғини, Татаристон Республикаси Миллий кутубхонасини, "Оқ гуллар" булварини, "Урам" экстремал боғини, "Aрт Cити" уй-жой мажмуасини, Нижний Кабан кўлини Татаристоннинг таълим, спорт ва бошқа объектларни кўздан кечиришди.
Ундан ташқари Ўзбекистон вакиллари Қозон шаҳридаги ахборот-коммуникация технологиялари соҳасига ихтисослаштирилган “ETERNITY” Ай-Ти мактаби фаолияти, у ердаги ўқитиш тизими билан яқиндан танишди. Ушбу мактаб рақамли иқтисодиёт учун салоҳиятли кадрлар тайёрлашга ихтисослаштирилган. Тошкент вилоятида ҳам ана шундай мактаблар очиш имконияти муҳокама қилинди.
Шунингдек, делегация вакиллари Қозон Федерал Университети раҳбарияти билан учрашишди. Мулоқот чоғида ижтимоий фанлар, иқтисодиёт ва бошқа йўналишларда кадрлар тайёрлайдиган олий ўқув юртини Тошкент вилоятида очиш, ўқув жараёнларига Татаристонлик профессор-ўқитувчиларни жалб қилиш ҳақида келишилди.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала