Жамият

Ўзбекистон ва Россия адлия вазирлари МДҲ ҳуқуқий ахборот платформасини муҳокама қилишди

© Пресс-служба Минюста УзбекистанаМинистр юстиции Узбекистана Русланбек Давлетов встретился с коллегой из России Константином Чуйченко.
Министр юстиции Узбекистана Русланбек Давлетов встретился с коллегой из России Константином Чуйченко. - Sputnik Ўзбекистон, 1920, 20.05.2021
МДҲ доирасида ҳуқуқий ахборот алмашиш платформаси - аъзо давлатлар ваколатли органларининг ўзаро тезкор ҳамкорлигига қаратилган.
ТОШКЕНТ, 20 май – Sputnik. Ўзбекистон адлия вазири Русланбек Давлетов 19 май куни Россия адлия вазири Константин Чуйченко билан учрашиб, Россия-Ўзбекистон орасида ҳуқуқий соҳада ҳамкорлик дастурини янгилаш ва такомиллаштиришни масалаларини муҳокама қилишди.
Учрашувда икки давлат орасида мавжуд халқаро шартномаларни экспертизадан ўтказиш, ҳуқуқий ёрдам кўрсатиш борасида ягона электрон платформа ва электрон ҳужжат алмашиш тизимини яратиш, суд-экспертиза фаолияти ва юридик таълим соҳаларида халқаро ҳамкорликни ривожлантириш таклиф қилинди.
Ундан ташқари МДҲ доирасида ҳуқуқий ахборот алмашиш электрон платформаси яратишни ва уни яратишнинг ўзига хос жиҳатлари муҳокама қилинди.
Маълумот учун: мазкур тизим лойиҳаси Ўзбекистон Республикаси Адлия вазирлиги томонидан ишлаб чиқилган. У ҳуқуқий ёрдам кўрсатиш соҳасида самарадорлик ва маҳсулдорликни ошириш, шунингдек МДҲга аъзо давлатлар ваколатли органларининг ўзаро тезкор ҳамкорлигига қаратилган. Ушбу платформа Шавкат Мирзиёев томонидан 2020 йилнинг декабрь ойида МДҲ давлат раҳбарлари йиғилишида илк бор таклиф қилинган эди.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала