https://sputniknews.uz/20210529/senat-qimmatbaho-metallar-va-qimmatbaho-toshlar-togrisidagi-qonunni-maqulladi-18973389.html

Сенат "Қимматбаҳо металлар ва қимматбаҳо тошлар тўғрисида"ги қонунни маъқуллади

Сенат "Қимматбаҳо металлар ва қимматбаҳо тошлар тўғрисида"ги қонунни маъқуллади

Sputnik Ўзбекистон

Қонун аввало мамлакат иқтисодиёти учун муҳим аҳамиятга эга бўлган қимматбаҳо металлар ва қимматбаҳо тошлар муомаласи соҳасидаги муносабатларни тартибга солишга... 29.05.2021, Sputnik Ўзбекистон

2021-05-29T11:01+0500

2021-05-29T11:01+0500

2021-05-29T11:01+0500

иқтисод

олтин кони

https://cdn1.img.sputniknews.uz/img/198/86/1988628_0:146:3121:1902_1920x0_80_0_0_e9dbc3e46704c94cd4c6bb4b034f76cb.jpg

ТОШКЕНТ, 29 май - Sputnik. Олий Мажлис Сенатининг ўн бешинчи ялпи мажлисида сенаторлар "Қимматбаҳо металлар ва қимматбаҳо тошлар тўғрисида"ги Ўзбекистон Республикасининг Қонунини кўриб чиқиб, маъқулладилар.Қонун аввало мамлакат иқтисодиёти учун муҳим аҳамиятга эга бўлган қимматбаҳо металлар ва қимматбаҳо тошлар муомаласи соҳасидаги муносабатларни тартибга солишга қаратилган.Қолаверса, ушбу ҳужжат заргарлик буюмлари асиллик даражасини белгилаш ва тамғалаш тизимини, шунингдек, уларнинг сифатини назорат қилиш тартиб-таомилларини давлат-хусусий шериклик механизмини қўллаган ҳолда такомиллаштиришга ҳам йўналтирилган.Қонунда қабул қилиниши қимматбаҳо металлар ва тошлар муомаласи соҳасидаги давлат органлари, бошқа иштирокчиларнинг ваколатлари ва жавобгарлик соҳасини аниқ белгиланиши тармоққа инвестициялар, шу жумладан хорижий инвестицияларни кенг жалб этиш, рақобат муҳитини яхшилаш учун қулай шароит яратади.Хусусан, Қонунга биноан устав фондида давлат улуши бўлмаган ёки 50 фоиздан кам давлат улиши бўлган тадбиркорлик субъектларига қимматбаҳо металлар ва тошларни сарфлаш, ҳисобга олиш ва сақлаш тартибини мустақил белгилаш ҳуқуқи берилмоқда.Қимматбаҳо металлар ва қимматбаҳо тошлардан ясалган заргарлик ва бошқа буюмларнинг асиллик даражасини аниқлаш ва тамғалаш масалалари ҳам қонунда батафсил ўз ифодасини топган.Қонунни ишлаб чиқишда Белорусия, Ҳиндистон, Канада, Қозоғистон, Молдова, Россия Федерацияси, Италия ва Туркия ҳамда Вена конвенциясини ратификация қилган 19 та давлатнинг илғор тажрибаси ўрганиб чиқилган.Шунингдек Қонун хусусий секторнинг қимматбаҳо металлар айланмасида ўз фаолиятини очиқ, шаффоф олиб боришига имконият яратади.

https://sputniknews.uz/20190318/immatbao-metall-azib-olish-uchun-litsenziya-berish-tartibi-tasdilandi-11039145.html

https://sputniknews.uz/20210224/Endi-zargarlik-buyumlarini-elektron-tizhorat-orali-sotish-mumkin-16066643.html

2021

Янгиликлар

uz_UZ

иқтисод, олтин кони