Иқтисод

Термизда халқаро савдо маркази қурилиши бошланди

Президент Шавкат Мирзиёев ознакомился с генеральным планом Термезского международного торгового центра.
Президент Шавкат Мирзиёев ознакомился с генеральным планом Термезского международного торгового центра. - Sputnik Ўзбекистон, 1920, 02.06.2021
Халқаро савдо марказининг йиллик савдо айланмаси 500 миллион доллар бўлиши ҳисоб-китоб қилинган.
ТОШКЕНТ, 2 июн — Sputnik. Президент Шавкат Мирзиёев Термиз халқаро савдо маркази бош режаси билан танишди. Бу ҳақда давлат раҳбари матбот хизмати хабар қилди.
Ушбу марказ учун Термиз туманидан 26 гектар майдон ажратилган. Умумий қиймати 75 миллион доллар бўлган марказда маҳсулотларни қабул қилиш, сақлаш, қайта ишлаш, саралаш ва қадоқлаш мажмуалари қурилиб, савдо хизматлари йўлга қўйилади. Зарур инфратузилма тармоқлари барпо этилади.
Лойиҳага кўра, бу ерда 1 минг 800 та савдо нуқтаси, 50 минг тонна юк сиғимига эга логистика маркази, 400 ўринли иккита меҳмонхона, шифохоналар, автомобилларга техник хизмат кўрсатиш устахоналари бўлиши мўлжалланган. Корпусларнинг биринчи қаватида савдо нуқталари, иккинчи қаватида енгил ишлаб чиқариш корхоналарини жойлаштириш кўзда тутилган.
Халқаро савдо марказининг йиллик савдо айланмаси 500 миллион доллар, хизматлар ҳажми 10 миллион доллар бўлиши ҳисоб-китоб қилинган. 192 миллион долларлик экспорт қуввати пайдо бўлади.
Марказнинг қурилиш ишларини бошлаш учун Тикланиш ва тараққиёт жамғармасидан 10 миллион доллар ажратилди.
Давлат раҳбари марказ биноларини енгил конструкциялардан қуриш, вилоят тадбиркорларини бу ерда ишлашга ва экспорт фаолиятига жалб қилиш, чет эллик ишбилармонлар учун барча қулайликлар яратиш юзасидан кўрсатмалар берди.
Бу ердаги тажриба асосида, кейинчалик, бошқа қўшни давлатлар билан чегара ҳудудларда ҳам шундай савдо марказлари ташкил этиш зарурлиги таъкидланди.
Термиз халқаро савдо марказини 2022 йилда фойдаланишга топшириш режалаштирилган.
Президент Узбекистана Шавкат Мирзиёев дал старт строительству солнечной фотоэлектрической станции в Шерабадском районе Сурхандарьинской области - Sputnik Ўзбекистон, 1920, 01.06.2021
Иқтисод
Шавкат Мирзиёев Шеробод қуёш электр станцияси қурилишини бошлаб берди
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала