Жамият

Вояга етмаган шахсларга жамоат тарбиячилари тайинланади

© Sputnik / Константин Михальчевский / Фотобанкка ўтишМальчик бегает
Мальчик бегает - Sputnik Ўзбекистон, 1920, 06.06.2021
Тарбиячи ҳаётий тажрибаси ва ахлоқий фазилатлари билан вояга етмаганларга ижобий таъсир эта оладиган Ўзбекистон фуқароси бўлиши керак.
ТОШКЕНТ, 6 июн — Sputnik. Ҳукумат қарори билан Вояга етмаган шахсларга жамоат тарбиячиларини тайинлаш тўғрисидаги низом тасдиқланди.
Низомга кўра, жамоат тарбиячиларининг асосий вазифаси назоратсиз ва қаровсиз қолган ҳамда ҳуқуқбузарлик ёки ижтимоий хавфли қилмиш содир этган вояга етмаган шахслар билан якка тартибда ишлаш, шунингдек, ота-онасига (ёки ўрнини босувчи шахсларга) вояга етмаган шахсларни тарбиялашда ёрдам кўрсатишдан иборат.
Вояга етмаган шахсларнинг жамоат тарбиячиси 30 ёшга тўлган, вояга етмаганлар билан камида икки йил ишлаш тажрибасига эга, ҳаётий тажрибаси ва ахлоқий фазилатлари билан вояга етмаганларга ижобий таъсир эта оладиган Ўзбекистон фуқароси бўлиши керак.
Вояга етмаган қизларга аёл жинсига мансуб жамоат тарбиячилари тайинланади.
Жамоат тарбиячисини танлаш ва тайинлаш ҳақидаги қарор Вояга етмаганлар ишлари бўйича туман (шаҳар) идоралараро комиссияси томонидан қабул қилинади.
Қуйидаги вояга етмаган шахсларга жамоат тарбиячилари тайинланиши мумкин:
суд томонидан мажбурлов чоралари қўлланилган ёки маъмурий ҳуқуқбузарлик содир этган;
озодликдан маҳрум қилиш жазосини ўташдан муддатидан олдин шартли равишда озод қилинган;
ихтисослаштирилган ўқув-тарбия муассасаларидан қайтган ёки тарбия колонияларида жазони ўтаган;
назоратсиз ва қаровсиз қолган вояга етмаганлар;
болани тарбиялашда ёрдамга муҳтож оилаларнинг вояга етмаган фарзандлари.
Юклатилган вазифаларни фаол ва виждонан бажарган ҳамда ижобий натижаларга эришган жамоат тарбиячилари БҲМҳнинг 5 бараваригача (1 млн 225 минг сўмгача) миқдорда битта вояга етмаган шахс учун бир марталик пул мукофоти билан рағбатлантирилиши мумкин.
Подростки в машине детского приемника-распределителя - Sputnik Ўзбекистон, 1920, 04.02.2021
Жамият
Вояга етмаган шахсларни яхшироқ ҳимоя қилиш учун Жиноят кодекси ўзгартирилмоқда
Вояга етмаган шахсга жамоат тарбиячиси 3 ойгача муддатга тайинланади. Ушбу муддат Комиссия томонидан жамоат тарбиячисининг ҳисоботини эшитиш натижаларига кўра, бир маротаба кўпи билан уч ойгача узайтирилиши мумкин.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала