Ҳодисалар

Сирдарёда мурдаси топилган деб тахмин қилинган шахс тирик бўлиб чиқди

© Sputnik / Алексей ФилипповСледственный изолятор
Следственный изолятор - Sputnik Ўзбекистон, 1920, 08.06.2021
Сирдарё вилоятининг Мирзаобод туманида 100% куйиб кетган жасад топилганлиги иши юзасидан янги тафсилотлар маълум бўлди.
ТОШКЕНТ, 8 июн — Sputnik. Сирдарё вилоятининг Мирзаобод туманида 100% куйиб кетган жасад топилганлиги иши юзасидан янги тафсилотлар маълум бўлди.
Эслатиб ўтамиз, мазкур ҳолат юзасидан вилоят прокуратураси томонидан Жиноят кодексининг 97-моддаси 2-қисми “ж” банди (Ўта шафқатсизлик билан қасддан одам ўлдириш) билан жиноят иши қўзғатилган эди.
Здание МВД Узбекистана в Ташкенте - Sputnik Ўзбекистон, 1920, 08.06.2021
Жамият
Экстремистлар раҳнамоси Абдуллоҳ Зуфар ҳақида маълумот берганлар мукофотланади
Маълум бўлишича, қотиллик аломатлари (ёниб кетган) бўлган номаълум шахс мурдаси билан бирга “COBALT” русумли автомашинаси ҳам топилган. Номаълум мурда мазкур автомобилни ижара шартномаси асосида ҳайдаб юрган фуқаро Файзулло П. эканлиги тахмин қилинган. Бироқ жиноят жойи кўздан кечирилганда ўша ерда ётган ароқ шишаси идишидан бошқа бир шахс — фуқаро Сергей С.нинг бармоқ излари аниқланган.
Шундан сўнг Сергей С.нинг онаси ва укаси сўроқ қилинган. Яқинлари томондан марҳумнинг доимий иш жойи йўқлиги, қурилиш ишларида ёлланма ишчи бўлиб ишлаб юриши, муқаддам ўғирлик билан судлангани, мунтазам равишда спиртли ичимлик истеъмол қилиши, воқеа содир бўлган куни уйдан чиқиб кетиб, қайтиб келмаганлиги баён этилган.
Отдыхающие на пляже Чарвакского водохранилища пытаются насладиться последними погожими днями уходящего лета - Sputnik Ўзбекистон, 1920, 07.06.2021
Ҳодисалар
Чорвоқда оммавий муштлашув рўй бергани ҳақидаги хабарга муносабат билдирилди
Олиб борилган тезкор-суриштирув ҳаракатлари давомида марҳум деб тахмин қилинган Файзулло П. аслида тирик бўлиб, Оҳангарон шаҳрида яшириниб юрганлиги аниқланган.
Ҳуқуқни муҳофаза қилувчи органлари ходимлари томонидан ўтказилган тезкор-қидирув тадбирлари натижасида Охангарон шаҳридаги хонадонларининг бирида яширинган Файзулло П. ушланган.
Жиноят иши бўйича сўроқ қилинган Файзулло П. ўз айбига иқрор бўлиб берган кўрсатмасида “COBALT” автомашинасида Тошкент шаҳар ҳудудида киракашлик қилиб юрганида айрим фуқаролардан 4,1 минг АҚШ долларини алдаб олгани, қарз бўлиб қолгани, уларни қайтаришнинг имкони бўлмагани сабабли нотаниш шахсни ўлдириб, ўзини ўлдига чиқариб кўрсатиш режасини тузганлигини билдирган.
Ф.П. 2021 йил 28 май куни Учтепа тумани, 20-мавзесида баклашка териб юрган рус миллатига мансуб, ўзига нотаниш шахс - Сергей С.ни кўриб, унга иш таклиф қилиб, ўзининг бошқарувидаги “COBALT”га ўтқазиб, дўкондан олинган ароқни ичириб, Сирдарё вилояти ҳудудидаги овлоқроқ жойга олиб келган ҳамда ўта шафқатсизлик билан қасддан ўлдирган.
Ҳозирда гумонланувчи процессуал тартибда ушланган.
Тергов ҳаракатлари давом этмоқда.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала