Тошкент шаҳар ва вилояти учун бирлаштирилган онкология маркази қурилади

© Пресс-служба президента УзбекистанаПрезидент провел совещание посвященное развитию онкологии в Республике
Президент провел совещание посвященное развитию онкологии в Республике - Sputnik Ўзбекистон, 1920, 15.06.2021
Oбуна бўлиш
Ўзбекистонда онкология соҳасини ривожлантириш учун қатор ишлар қилинмоқда. Хусусан Республика онкология маркази ҳамда Тошкент шаҳар ва вилояти учун бирлаштирилган онкология маркази қурилмоқда.
ТОШКЕНТ, 15 июн – Sputnik. Шавкат Мирзиёев топшириғига биноан Ўзбекистонда тиббиётнинг онкология ва радиология соҳаларини ривожлантириш учун шароитлар яратилмоқда. Президент 14 июнь куни ана шундай лойиҳалар тақдимоти билан танишди.
Хусусан, Тошкент тиббиёт академияси клиникасининг бўш турган ҳудудидан Республика онкология ва радиология тиббиёт маркази учун 5 гектардан зиёд ер ажратилган. Янги шифохона биносини лойиҳалаштириш ва жиҳозлашда хорижий тиббиёт муассасаларининг илғор тажрибаси инобатга олинган.
Янги марказда позитрон-эмиссион томография, радиоизотоп текширишлар, занжир реакцияли анализаторлар, магнит-резонанс томография, ангиография учун замонавий ускуналар ўрнатилади. Иммунотерапия, таргет терапия, чизиқли тезлаткич ёрдамида ва стереотоксик нур терапия, радиохирургия каби янги даволаш услублари жорий этилади.
Иккинчидан, Республика бўйича жами онкологик беморларнинг 37% Тошкент шаҳри ва Тошкент вилоятига тўғри келгани сабабли Тошкент шаҳри ва Тошкент вилояти шифохоналарини ягона муассаса сифатида бирлаштириш таклиф қилинди. Бунинг натижасида салоҳиятли мутахассислар ва юқори технологик ускуналар бир жойда жамланиб, даволаш сифати ошади, беморлар сарсон бўлишининг олди олинади.
Шавкат Мирзиёев посетил Республиканский центр онкологии - Sputnik Ўзбекистон, 1920, 15.05.2021
Шавкат Мирзиёев Республика онкология марказига ташриф буюрди
Учинчидан, малакали шифокорлар тайёрлаш мақсадида Н.И.Пирогов номидаги Россия тиббиёт университети билан ҳамкорликни кенгайтириш, келгуси икки йилда юртимиз талабаларини Россияга ўқишга юбориш, 2023-2024 ўқув йилидан бошлаб Тошкент шаҳрида Пирогов номидаги университет филиалини очиш режалаштирилган.
Эслатиб ўтамиз, Ўзбекистон президенти Шавкат Мирзиёев бир ой олдин Республика ихтисослаштирилган онкология ва радиология илмий-амалий тиббиёт марказига бориб, бу йўналишдаги шифохоналарда шароитларни яхшилаш бўйича топшириқлар берган эди. Улардан келиб чиқиб, 27 май куни Президентнинг “Аҳолига гематология ва онкология хизматларини кўрсатиш тизимини янада такомиллаштириш тўғрисида”ги қарори қабул қилинган эди.
Янгиликлар лентаси
0