Афғонистонда толиблар Тожикистон билан чегарадаги назорат пунктини эгаллаб олди

© AP Photo / Rahmat GulАфганский военный
Афганский военный - Sputnik Ўзбекистон, 1920, 28.06.2021
Oбуна бўлиш
Афғонистон қўшинларининг 17 нафар ҳарбийси Тожикистон ҳудудига чекинишга мажбур бўлган.
ТОШКЕНТ, 28 июн — Sputnik. Толибларнинг Афғонистоннинг Балх вилояти Калдор уезди Учкуч чегара пунктига ҳужум қилиши оқибатида ҳукумат қўшинларининг 17 нафар ҳарбийси Тожикистон ҳудудига чекинди. Бу ҳақда РИА Новости Тожикистон Давлат миллий хавфсизлик қўмитаси чегара қўшинлари маълумотларига таянган ҳолда хабар бермоқда.
“Маҳаллий вақт билан соат 12:50 гача давом этган шиддатли тўқнашувлар оқибатида ҳукумат қўшинларининг 17 нафар ҳарбийси ўз ҳаёти ва шахсий таркибни сақлаб қолиш учун “Шаҳритус” чегара отрядининг 1-пости орқали Тожикистон томонга чекинишга мажбур бўлган”, - дейилган хабарда.
Қайд этилишича, тожикистонлик чегарачилар инсонийлик ва аҳил қўшничилик тамойилларига амал қилган ҳолда давлат чегарасини ёриб кирган афғонистонлик ҳарбийларга ҳеч қандай тўсиқсиз ўз ҳудудига ўтишга рухсат берган.
Таджикские пограничники на границе с Афганистаном - Sputnik Ўзбекистон, 1920, 24.06.2021
Эллик нафардан ортиқ афғон ҳарбийси Ўзбекистон ҳудудига ўтди – ТИВ баёноти
“Ушбу чегара олдидаги ҳудудда вазият кескинлигича қолмоқда, “Толибон”* қуролли гуруҳ ва афғон ҳукумати қўшинлари ўртасидаги жанговар ҳаракатлар давом этмоқда”, - дея қўшимча қилган агентлик суҳбатдоши.
Эслатиб ўтамиз, 22 июнь куни “Толибон”* радикал ҳаракати жангарилари Афғонистоннинг Қундуз вилоятидаги Шерхон-Бандар чегара комиссариатига ҳужум қилган эди. Афғонистон кучларининг 134 нафар ҳарбийлари Тожикистон ҳудудига чекинишга мажбур бўлган. Кейинчалик уларнинг ҳаммаси ватанига қайтган. Махсус рейс уларни Кобулга элтиб қўйган.
Боевики движения Талибан* - Sputnik Ўзбекистон, 1920, 24.06.2021
Толиблар тожик-афғон чегарасини назорат қилмоқда: энди нима бўлади?
* Россия ва қатор мамлакатларга тақиқланган террорчилик ташкилоти
Янгиликлар лентаси
0