Саидов БМТ Қочоқлар ишлари бўйича олий комиссари ўринбосари Жилиан Триггс билан учрашди

© Sputnik / Михаил Воскресенский / Медиабанкка ўтишСирийские беженцы
Сирийские беженцы - Sputnik Ўзбекистон, 1920, 08.07.2021
Oбуна бўлиш
БМТ Қочоқлар ишлари бўйича олий комиссари Бошқармаси Тошкентга фуқаросизлик билан боғлиқ масалаларни ҳал этишда амалий кўмак беришга тайёрлигини тасдиқлади.
ТОШКЕНТ, 8 июл - Sputnik. Ўзбекистон делегацияси Женевада БМТ Бош котибининг ўринбосари билан учрашди, деб хабар бермоқда Инсон ҳуқуқлари бўйича Ўзбекистон Республикаси Миллий марказининг матбуот хизмати.
"7 июль куни Женевада Ўзбекистон Республикаси Олий Мажлиси Қонунчилик палатаси Спикерининг биринчи ўринбосари, Инсон ҳуқуқлари бўйича Ўзбекистон Республикаси Миллий маркази директори Акмал Саидов бошчилигидаги мамлакатимиз делегацияси билан БМТ Бош котибининг ўринбосари, БМТ Қочоқлар ишлари бўйича олий комиссарининг ўринбосари Жилиан Триггс ўртасида учрашув бўлиб ўтди. Учрашувда Ўзбекистон Республикаси билан БМТ Қочоқлар ишлари бўйича олий комиссари Бошқармаси ҳамкорлигининг устувор йўналишлари муҳокама қилинди", - дейилади хабарда.
Афганские военные, перешедшие границу с Таджикистаном - Sputnik Ўзбекистон, 1920, 08.07.2021
Тожикистон афғон қочоқларини қабул қиляпти – видео
Мулоқот иштирокчилари Ўзбекистон билан БМТ Қочоқлар ишлари бўйича олий комиссари Бошқармаси ўртасидаги муносабатлар сифат жиҳатидан янги босқичга кўтарилганини таъкидладилар.
Кейинги йилларда БМТ Қочоқлар ишлари бўйича олий комиссари Бошқармаси билан ўзаро муносабатлар айниқса фаоллашди.
Хусусан, Инсон ҳуқуқлари бўйича Ўзбекистон Республикаси Миллий маркази билан БМТ Қочоқлар ишлари бўйича олий комиссари Бошқармаси томонидан 2021 йил бўйича Қўшма иш режаси ишлаб чиқилди ва ушбу режа муваффақият билан бажарилмоқда.
Таджикско-афганская граница  - Sputnik Ўзбекистон, 1920, 07.07.2021
Бир ярим мингдан ортиқ афғон ҳарбийси Тожикистон ҳудудига қочиб ўтди
Мазкур ҳужжат доирасида биргаликда миллий ва минтақавий миқёсларда семинар ва ўқув тренинглари ўтказилди. Шунингдек, фуқаросизлик ва қочоқлар масалаларига оид халқаро норматив-ҳуқуқий амалиётни миллий ҳуқуқни қўллаш амалиётига татбиқ этиш бўйича ўқитувчилар учун модуллар ишлаб чиқилди.
Жилиан Триггс учрашув асносида президент Шавкат Мирзиёев раҳнамолигида Ўзбекистонда фуқаросизликни камайтириш соҳасида муҳим натижаларга эришилганини эътироф этди.
Бундан ташқари у БМТ Қочоқлар ишлари бўйича олий комиссари Бошқармаси Тошкентга фуқаросизлик билан боғлиқ масалаларни, хусусан, БМТнинг 1961 йилги тегишли Конвенциясининг ратификация қилиниши орқали ҳал этишда амалий кўмак беришга тайёрлигини тасдиқлади.
Учрашув якунида томонлар ўзаро манфаатли бир қанча масалалар бўйича қўшма тадбирларни амалга ошириш тўғрисида келишиб олдилар.
Янгиликлар лентаси
0