ССВ: карантин чекловлари тугатилиши ҳақидаги хабарлар ҳақиқатга зид

© Sputnik / Рамиз БахтияровИзмерение температуры гражданам
Измерение температуры гражданам - Sputnik Ўзбекистон, 1920, 12.07.2021
Oбуна бўлиш
Аввалроқ айрим ижтимоий тармоқларда карантин чекловлари тугатилиши ҳақида хабарлар тарқалган эди.
ТОШКЕНТ, 12 июл — Sputnik. Айрим ижтимоий тармоқларда яқинда Республика махсус комиссия томонидан киритилган карантин чекловлари тугатилиши ҳақида хабарлар тарқалди. Соғлиқни сақлаш вазирлиги бу ҳақиқатга зид эканини маълум қилди.
Республика махсус комиссияси томонидан бир қатор чекловлар билан бирга кафе, ресторан ва бошқа кўнгилочар муассасаларнинг 08:00 дан 20:00 гача ишлашига рухсат берилган эди.
“Мазкур ҳолат юзасидан Соғлиқни сақлаш вазирлиги шуни маълум қиладики, ушбу тартиблар Республика махсус комиссияси томонидан маълум бир муддат учун қабул қилинган эмас, яъни эпидемиологик вазият барқарорлашганда ушбу чекловлар бекор қилинади. Аммо ҳозирда уларга ҳеч қандай ўзгариш киритилмаган”, - дейилган хабарда.
Вазирлик агар карантин қоидаларига оид бирор ўзгариш киритилса, бу идора расмий саҳифалари орқали эълон қилинишини қўшимча қилган.
Букет в руках невесты на свадьбе - Sputnik Ўзбекистон, 1920, 06.07.2021
Тўй ва маросимларни ўтказишда чеклов киритилди
Янгиликлар лентаси
0