https://sputniknews.uz/20210713/covidga-chalingan-fuqarolarga-yordam-uchun-toshkent-tumanlarida-maxsus-poliklinikalar-ochildi-19656204.html

COVIDга чалинган фуқароларга ёрдам учун: Тошкент туманларида махсус поликлиникалар очилди

COVIDга чалинган фуқароларга ёрдам учун: Тошкент туманларида махсус поликлиникалар очилди

Sputnik Ўзбекистон

Бу ерга коронавирус инфекциясига гумондор ҳамда инфекция тасдиқланган шахслар оилавий поликлиникалар йўлланмаси ва "103" хизмати орқали ёки ўзлари мустақил... 13.07.2021, Sputnik Ўзбекистон

2021-07-13T11:15+0500

2021-07-13T11:15+0500

2021-07-13T11:15+0500

жамият

covid-19 умумжаҳон пандемияси

https://cdn1.img.sputniknews.uz/img/07e5/04/15/18426862_0:0:3201:1801_1920x0_80_0_0_1b9f48bb302e479056855403fca6c40f.jpg

ТОШКЕНТ, 13 июл - Sputnik. Коронавирус инфекциясига гумон қилинган шахслар ҳамда ушбу инфекция тасдиқланган беморларга бирламчи тиббий-санитария ёрдамини кўрсатиш мақсадида Тошкент шаҳрининг 11 та туманида 1 тадан махсус поликлиникалар ташкил этилди, деб хабар бермоқда ССВ матбуот-хизмати.Тиббий-санитария муассасалари ва хизмат кўрсатиш йўналиши яқин бўлган диспансерлар биносида фаолият бошлаган мазкур поликлиникалар аҳолига куну тун хизмат кўрсатиши белгиланган.Ҳар бир марказга 3 тадан тиббий бригада бириктирилган ва улар таркибидан 2 нафар шифокор ҳамда 2 нафар ўрта тиббиёт ходими ўрин олган. Шунингдек, беморларга шошилинч тиббий ёрдам кўрсатиш мақсадида ушбу поликлиникалар рентген, кислород конденсаторлари, пульсоксиметр, зарур дори-дармонлар, сарфлов материаллари, дезинфекцияловчи эритма ва реактивлар, шунингдек, махсус тиббиёт воситалари билан таъминланган. Айни пайтда пойтахтдаги барча оилавий поликлиникалар ушбу поликлиникалар билан интеграция асосида фаолият юритаётган бўлиб, у ерга коронавирус инфекциясига гумондор ҳамда инфекция тасдиқланган шахслар оилавий поликлиникалар йўлланмаси ва “103” хизмати орқали ёки ўзлари мустақил равишда ҳам мурожаат қилишлари мумкин. Агар тез тиббий ёрдам хизматига мурожаат қилган фуқаронинг шикоятларига кўра, унда коронавирус касаллиги гумон қилинса, беморга ўзи яшайдиган тумандаги махсус поликлиникага бориш тавсия этилади. Бироқ унинг ҳолат ва имконияти бунга монелик қилса, беморнинг уй манзили ёзиб олинади ва у ҳақидаги маълумот махсус поликлиникага тақдим этилади. Сўнг, бемор махсус поликлиника учун ажратилган автотранспорт воситаси ёрдамида у ерга олиб келинади ва белгиланган стандартлар бўйича тиббий-санитария ёрдами кўрсатилади. Махсус поликлиникага мурожаат қилган беморлар учун махсус карта юритилиб, унда фуқаронинг динамик ҳолати, текширув ва даволаш натижалари қайд этиб борилади. Мурожаат қилганлар орасида "COVID-19" инфекцияси тасдиқланмаган беморлар бўлса, улардан керакли таҳлиллар олинади ва тезкор равишда ҳудудий санитария хизмати лабораторияларига етказилади. Шу билан бирга, беморлар оғирлик даражасига кўра сараланиб, аҳволи енгил фуқароларга уйда даволанишлари учун зарур тавсиялар берилади. Бироқ агар беморнинг аҳволи оғир бўлса, у зудлик билан махсус шифохонага юборилади ва бу ҳақида фуқаро истиқомат қиладиган ҳудуддаги оилавий поликлиникага хабар қилинади.

https://sputniknews.uz/20210713/koronavirus-bilan-bogliq-vaziyat-vaktsina-etishmovchiligi-tufayli-yomonlashmoqda--bsst-19654511.html

https://sputniknews.uz/20210708/samarqandda-koronavirus-bemorlarini-davolash-va-taqsimlash-markazi-yana-ish-boshladi-19594887.html

2021

Янгиликлар

uz_UZ

жамият, covid-19 умумжаҳон пандемияси