https://sputniknews.uz/20210713/koronavirus-bilan-bogliq-vaziyat-vaktsina-etishmovchiligi-tufayli-yomonlashmoqda--bsst-19654511.html

Коронавирус билан боғлиқ вазият вакцина етишмовчилиги туфайли ёмонлашмоқда – БССТ

Коронавирус билан боғлиқ вазият вакцина етишмовчилиги туфайли ёмонлашмоқда – БССТ

Sputnik Ўзбекистон

Тўрт ҳафтадирки жаҳонда COVID-19 касаллигига чалиниш ҳолатлари ўсиб бориши кузатилмоқда. Вакцина етишмовчилиги кузатилаётган регионларда ҳолат анча ёмон, деб... 13.07.2021, Sputnik Ўзбекистон

2021-07-13T10:38+0500

2021-07-13T10:38+0500

2021-07-13T10:38+0500

дунёда

covid-19 умумжаҳон пандемияси

https://cdn1.img.sputniknews.uz/img/07e4/09/17/15036564_0:0:2992:1683_1920x0_80_0_0_27ceeed2d757b315879c84f15a76274a.jpg

ТОШКЕНТ, 13 июл – Sputnik. Коронавирус пандемияси билан боғлиқ эпидемиологик ҳолат ёмонлашмоқда. Бу ҳақда душанба куни Женевада бўлиб ўтган брифингда Бутунжаҳон Соғлиқни сақлаш ташкилоти бош директори Тедрос Аданом Гебрейесус маълум қилди."Ўтган ҳафта бутун дунёда кетма-кет тўртинчи ҳафта COVID-19 билан касалланганлар сони кўпайиши қайд этилди. Ушбу ўсиш Жаҳон соғлиқни сақлаш ташкилотининг олтита минтақасида қайд этилди. 10 ҳафталик пасайишдан сўнг, ўлим кўрсаткичи ҳам ошди ", - деди Жаҳон соғлиқни сақлаш ташкилоти бош директори.Вакцина етишмовчилигиГебрейесуснинг таъкидига кўра, вакцина етишмовчилиги кузатилаётган жойларда аҳвол анча ёмон, шу билан бирга пандемия "ҳозирча ҳеч қаерда тугамаган".Гебрейесуснинг айтишича, "соғлиқни сақлаш соҳасида вазият ёмонлашуви кузатилмоқда". "Бу эса кўплаб ҳаётларни ва мустаҳкам глобал тикланишни хавф остида қолдирмоқда", - деб ҳисоблайди БССТ раҳбари.Вакцина етишмовчилиги масаласини муҳокама қилиш учун БССТ ва Бутунжаҳон савдо ташкилоти келаётган ҳафтада давлатлар ва бизнес вакиллари йиғилишини ўтказишни режалаштирмоқда.Йиғилишда давлат ва хусусий сектор раҳбарлари тўпланадилар. Йиғилиш иштирокчилари вакцина олишда нотенглик масалаларини муҳокама қилишлари кутилмоқда."Дельта" штаммиДунёда 104дан зиёд мамлакатларда коронавируснинг дельта-штамми айланмоқда. У жуда юқори юқумлилик даражасига эга.Кутилишича, жуда яқин орада ушбу штамм дунёда етакчи ўринга чиқади, деб баёнот қилди Гебрейесус.Эслатиб ўтамиз, "дельта" штамми "альфа" вариантига қараганда 50% тезроқ тарқалиш хусусиятига эга. "Альфа" штамми коронавирус инфекциясининг дастлабки штаммига қараганда 50% юқумлироқ эди.Бундан ташқари, ҳиндча штамм ўта қисқа инкубация даврига эга бўлиб, касалликдан сўнг ўта оғир асоратларни келтириб чиқаради. Унга қарши энг самарали кураш усули - бу ўз вақтида амалга оширилган вакцинациядир.Дунёдаги вакциналар ҳақидаБугунги кунда коронавирусга қарши юздан зиёд вакциналар ишлаб чиқариш жараёнида турибди. Бу ҳақда душанба куни бўлиб ўтган брифингда БССТ бош илмий ходими Сумья Сваминатан маълум қилган.Мутахассиснинг сўзларига кўра, гап 105та номзод-вакциналар ҳақида бормоқда. Уларнинг аксарияти клиник синовларнинг учинчи босқичидан ўтмоқда. Сваминатаннинг фикрича, янги вакциналар янада самаралироқ бўлиши мумкин. Тахминларга кўра, бу вакциналарни сақлаш шароитлари ҳам анча енгилроқ бўлади."Янги ишланмалар ва синовларга зарурат ўз аҳамиятини йўқотмаётган бир вақтда, янги вакциналарни ишлаб чиқишга ҳаракат қилаётганларни рағбатлантирмоқ лозим", дея қайд этади БССТ эксперти.

https://sputniknews.uz/20210707/vaktsinalar-urushi-evropa-sputnik-v-bilan-qanday-kurashmoqda-19584242.html

https://sputniknews.uz/20210707/nature-jurnalida-sputnik-vning-samaradorligi-haqida-maqola-paydo-boldi-19580980.html

https://sputniknews.uz/20210625/bsst-delta-shtammi-dastlabki-koronavirusdan-ikki-barobar-yuqumliroq-19404960.html

https://sputniknews.uz/20210703/ozbekiston-vaktsinalar-qanday-narxda-sotib-olmoqda-19526033.html

2021

Янгиликлар

uz_UZ

дунёда, covid-19 умумжаҳон пандемияси