Жамият

Тошкентда 1 августдан бир қанча автобус йўналишлари ўзгартирилади

© Sputnik / Рамиз БахтияровОстановка общественного транспорта в Ташкенте
Остановка общественного транспорта в Ташкенте - Sputnik Ўзбекистон, 1920, 30.07.2021
Йўналишларни мувофиқлаштириш ишлари натижалари бўйича 2021 йил 1 августдан бошлаб, 5 та автобус йўналишлари ҳаракати қисқартирилади
ТОШКЕНТ, 30 июл - Sputnik. Тошкентдаги бир қанча автобус йўналишига ўзгартириш киритилиб, янгилари ташкил этилади, дея хабар бермоқда "Тошшаҳартрансхизмат".
Хабарга кўра, 2021 йил 1 август кунидан бошлаб, "Тошшаҳартрансхизмат" АЖ таркибидаги автобус саройлари томонидан хизмат кўрсатилаётган 7 та автобус йўналишлари ҳаракатини қисқартириш, 2 та янги йўналиш очиш, 2 та йўналиш ҳаракатига ўзгартириш киритиш тўғрисида маълумот берилган эди.
Ҳаракат йўналиши қисқартирилиши режалаштирилган 56, 82, 103-сонли автобус йўналишлари бўйича қўшимча ўрганишларни ўтказиш зарурияти юзага келаётгани сабаб, ушбу йўналишлар ҳаракати вақтинчалик ўзгартиришсиз қолдирилади.
Новые автобусы Isuzu - Sputnik Ўзбекистон, 1920, 14.06.2021
Жамият
Ўзбекистонда ишлаб чиқарилган “ISUZU” автобуслари Бишкек кўчаларида қатнай бошлади
Бундан ташқари, ўтказилган ўрганишлар натижалари бўйича 2021 йил 1 август кунидан бошлаб, 41, 32, 59-сонли автобус йўналишлари ҳаракатига ҳам қисман ўзгартиришлар киритилади.
Жумладан:
32-сонли Сергели 6-а даҳаси–Гулобод кўчаси автобус йўналишининг Эркин мавзесига ҳаракатланиши қисқартирилади ва ушбу йўналишнинг Сергели 6-а мавзесидан ҳаракатланиши Янги Чоштепа мавзеси орқали ташкил этилади.
41-сонли Чилонзор 25-даҳаси–Янги Чоштепа мавзеси автобус йўналишининг Янги Чоштепа мавзесидан Чилонзор буюм бозоригача бўлган оралиқдаги ҳаракати қисқартирилади. Эндиликда 41-сонли йўналиш Чилонзор 25-даҳаси–Чилонзор буюм бозори оралиғида 5 та жадвал асосида ҳаракатланади.
Машина и пешеход в Ташкенте - Sputnik Ўзбекистон, 1920, 24.02.2021
Жамият
Тошкентда ўндан ортиқ кўчада қўшимча ҳаракат йўналишлари очилади
Маълумот учун, Янги Чоштепа мавзеси аҳолиси учун йўловчи транспорти хизматларидан фойдаланишдаги узилишларнинг олдини олиш мақсадида, 1 август кунидан ушбу мавзега 32 ва 86-сонли автобус йўналишлари ҳаракати йўлга қўйилади.
59-сонли Сергели 12-даҳаси–Карвон бозори автобус йўналишининг сўнгги бекати Сергели 12-даҳаси бекатидан Дўстлик 2-мавзеси автошоҳбекатига ўзгартирилади. Эндиликда 59-сонли йўналиш Дўстлик 2-мавзеси–Карвон бозори оралиғида ҳаракатланади.
Йўналишларни мувофиқлаштириш ишлари натижалари бўйича 2021 йил 1 августдан бошлаб, 5 та автобус йўналишлари ҳаракати қисқартирилади, 4 та автобус йўналишларининг ҳаракатига ўзгартириш киритилади, 1 та янги автобус йўналиши ташкил этилади.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала