Церемония открытия XXXII летних Олимпийских игр - Sputnik Ўзбекистон, 1920
Ўзбекистон Токио Олимпия ўйинларида
23 июлдан 8 августга қадар Токиода Олимпиада ўйинлари бўлиб ўтади. Унда 71 спортчидан иборат Ўзбекистон Олимпия терма жамоаси иштирок этади.

Токио Олимпиадаси: мусобақаларнинг ўнинчи кунида ҳам ўзбекистонликлар медалсиз қолишди

© Пресс-служба НОК УзбекистанаЖалгасбай Бердимуратов
Жалгасбай Бердимуратов - Sputnik Ўзбекистон, 1920, 02.08.2021
Токиодаги Олимпия ўйинларининг ўнинчи кунида Суҳроб Хўжаев ва Жалгасбай Бердимуратов рақибларига мағлуб бўлишди.
ТОШКЕНТ, 2 авг — Sputnik. Токиода давом этаётган Олимпия ўйинларининг ўнинчи кунида Суҳроб Хўжаев ва Жалгасбай Бердимуратов Ўзбекистон шарафини ҳимоя қилди. Афсуски, уларнинг чиқиши муваффақиятсиз якунланди.

Ўзи учун энг яхши кўрсатгич, аммо мусобақада охирги ўринда

Эрта тонгдан мусобақалар доирасида енгил атлетиканинг босқон улоқтириш йўналиши бўйича спортчи Суҳроб Хўжаев ўз омадини синаб кўрди.
Сухроб Ходжаев - Sputnik Ўзбекистон, 1920, 02.08.2021
Сухроб Ходжаев
“А” гуруҳида иштирок этган Ўзбекистон вакили 71.26 метр натижани қайд этди. Бу билан Хўжаев сўнгги поғонада (15) қолди. Миллий олимпия қўмитасининг маълум қилишича, бу унинг Олимпиадалардаги энг яхши кўрсатгичидир. Хўжаев аввал Лондон-2012 ва Рио-2016 Олимпиадаларида қатнашиб, 65.88 ва 70.11 метр натижа кўрсатган.

Юнон-рум курашида ҳам мағлубият

Юнон-рум кураши вакили Жалгасбай Бердимуратов (-77 кг) 1/8 финалда арманистонлик рақиби Карапет Чалянга енгилди. Арманистонлик курашчи ярим финалда Қирғизистон вакилига мағлуб бўлди. Бу билан Бердимуратовнинг бронза медали учун курашишга имконияти қолмади.
© Пресс-служба НОК УзбекистанаЖалгасбай Бердимуратов
Жалгасбай Бердимуратов - Sputnik Ўзбекистон, 1920, 02.08.2021
Жалгасбай Бердимуратов
Ҳозирча Ўзбекистон вакиллари битта олтин ва битта бронза медалга эга чиқишган. Эртага уч нафар боксчи ярим финал йўлланмаси учун кураш олиб боришади. Уларнинг ғалаба қозонишларига ишониб қоламиз.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала