Жамият

Йўл қурилишига сарфланган маблағ устидан жамоатчилик назорати ўрнатилади

© Sputnik / Григорий Сысоев / Фотобанкка ўтишРемонт асфальтобетонного покрытия
Ремонт асфальтобетонного покрытия - Sputnik Ўзбекистон, 1920, 12.08.2021
“Shaffof yo’l” онлайн ахборот платформаси ва унинг мобил иловаси ишга туширилади.
ТОШКЕНТ, 12 авг — Sputnik. Адлия вазирлиги автомобиль йўллари соҳасида молиявий очиқлик ва жамоатчилик олдида ҳисобдорликни таъминлашга қаратилган Ўзбекистон президенти қарори лойиҳасини ишлаб чиқди. У муҳокама учун regulation.gov.uz порталига жойлаштирилди.
Қарор билан ҳамма учун очиқ бўлган “Shaffof yo’l” онлайн ахборот платформаси ва унинг мобил иловаси ишга тушириш режалаштирилган.
В связи с новыми правилами ПДД вырос спрос на автомобильный знак Шипы - Sputnik Ўзбекистон, 1920, 22.04.2021
Ҳодисалар
Ўзбекистонда ёмон йўллар сабаб қарийб 2 йил ичида 191 киши ҳалок бўлган
Платформада автомобил йўллари қурилиши бўйича барча давлат дастурлари ва маҳаллий дастурлар бир жойда жамланади.
Ҳужжатда ёзилишича, қурилиши ва таъмирланиши режалаштирилган йўлларнинг барчаси онлайн-харитада яққол кўриниб туради, яъни таъмирланаётган йўллар қандайдир “4К66” каби тушунарсиз рақамлар билан эмас, балки шаҳар ва кўча номигача ушбу платформадан ва мобил телефондан кўриб туриш мумкин бўлади.
Шу хаританинг ўзида қурилиши ёки таъмирлашни амалга ошираётган ташкилот, сарфланаётган маблағ, бажарилган ишларнинг аҳволини бевосита кузатиб бориш имкони пайдо бўлади.
Йўл жамғармаларининг барча тушумлари реал вақт режимида платформада “онлайн-ҳисоблагич”да кўриниб туради.
“Яъни масалан автомобилингизни рўйхатдан ўтказганда йўл жамғармасига тўланган маблағ қаерга кетганлигини шу заҳоти билиб олса бўлади”, - дейилган вазирлик хабарида.
Бундан ташқари, аҳолига йўллар носозлиги, ҳаракатланиш учун пайдо бўлган муаммолар ҳақида фото- ва видеомурожаатлар қолдириш имконияти яратилади.
Адлия вазирлиги жамоатчиликни мазкур ҳужжат лойиҳасининг муҳокамасида фаол иштирок этишга чақириб қолган. 26 августгача фуқаролар ўз фикрларини билдиришлари мумкин.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала