Дунёда

Қозоғистон мудофаа вазири ҳарбий омборлардаги портлашдан кейин истеъфога чиқди

© Sputnik / Фотобанкка ўтишМинистр обороны Казахстана Нурлан Ермекбаев
Министр обороны Казахстана Нурлан Ермекбаев - Sputnik Ўзбекистон, 1920, 31.08.2021
26 август куни Жамбил вилоятидаги ҳарбий қисм муҳандислик ўқ-дорилари омборида рўй берган портлашлар оқибатида 15 киши ҳалок бўлган.
ТОШКЕНТ, 31 авг – Sputnik. Қозоғистон президенти Қасим-Жомарт Тоқаев мамлакат мудофаа вазири Нурлан Ермекбаевнинг истеъфосини қабул қилди.
“Президент Қасим-Жомарт Тоқаев мудофаа вазири Нурлан Ермекбаевнинг истеъфога чиқиш тўғрисидаги аризасини қабул қилди”, — деб ёзди президент матбуот котиби Берик Уали Facebook᾽даги саҳифасида.
26 август куни Жамбил вилоятидаги ҳарбий қисм муҳандислик ўқ-дорилари омборида портлашлар содир бўлди. Сўнгги маълумотларга кўра, ҳодиса оқибатида ҳалок бўлганлар сони 15 кишига етган. 100 га яқин киши жароҳатланган.
Флаг республики Казахстан - Sputnik Ўзбекистон, 1920, 28.08.2021
Дунёда
Қозоғистонда 29 август куни миллий мотам куни деб эълон қилинди
Ермекбаев ёнғин ва портлашлардан кейин истеъфога чиқиш ҳақида ариза топширган эди.
Тоқаев ўз фармони билан собиқ вазирнинг биринчи ўринбосари Мурат Бектанов мудофаа вазири этиб тайинлади.
Ермекбаев 2018 йилнинг август ойида Қозоғистон Мудофаа вазирлигини бошқаришга киришган. Бунгача у икки йил 2014 йилдан 2016 йилгача Қозоғистон дин ишлари ва фуқаролик жамияти вазири, 2018 йил апрелдан августгача президент ёрдамчиси — мамлакат хавфсизлик кенгаши котиби лавозимларида ишлаган.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала